Isubiramwo ryo mw’Ishure ry’ubusuku bwa gitewokarasi

Ibibazo bikurikira bizokwishurwa ku munwa mw’Ishure ry’ubusuku bwa gitewokarasi ku ndwi itangura ku wa 27 Kigarama 2004. Umucungezi w’ishure azoyobora isubiramwo ry’iminuta 30, rishingiye ku mayagwa yahetuwe mu bigabu vyashikirijwe kuva ku ndwi itangura ku wa 1 Munyonyo gushika ku ndwi itangura ku wa 27 Kigarama 2004.

KAMERE Y’IVY’UKUVUGA

1. Bumwe mu buryo bwiza kuruta bwo gutuma abumviriza bashimishwa n’ikiganiro ni ubuhe? [be rup. 218 ing. 2]

2. Vuga ibintu bitanu biranga insozero ishika ku nyota. [be rup. 221 ing. 1–5]

3. Twokwiyemeza neza gute ko ivyo tuvuga bitarimwo amahinyu? [be rup. 224 uruzitiro]

4. Dushobora gute kwiyemeza yuko ibiganiro dushikiriza ku makoraniro bigaragaza ko twubahiriza uruhara ishengero rifise rw’uko ari “inkingi ishigikiye ukuri”? (1 Tim. 3:15) [be rup. 224 ing. 1-4]

5. Ku biraba ibintu biba, amajambo yavuzwe n’abandi bantu be n’ivyabonywe, twoshobora gute gukurikiza Imigani 14:15? [be rup. 225 ing. 1]

IKIGABU NO. 1

6. Duharuye dusubira inyuma, imyaka igize ikiringo co kuva ku Mwuzure gushika ku kuremwa kwa Adamu ishobora guharurwa gute? [bsi04 rup. 4 ing. 12]

7. Umwaka Yezu yatanguriyeko ubusuku bwiwe dushobora kuwumenya gute, kandi ni igiki kitwemeza yuko bwamaze imyaka itatu n’igice gusa? [bsi04 rup. 5 ing. 16]

8. (a) ‘Icagezwe co kuvyura no kwubaka Yeruzalemu’ cashinzwe ryari? (b) Kuva ico gihe gushika Yezu aboneke ari Mesiya, hociye imyaka ingahe? (Dan. 9:24-27) [bsi04 rup. 5 ing. 18-19]

9. Ugusaba imbabazi kuvuye ku mutima gutuma umuntu ‘yikiranura na mugenziwe’, kurimwo iki? (Mat. 5:23, 24) [w02 1/11 rup. 6 ing. 2, 6]

10. Mu 2 Bami 13:18, 19 hatwigisha iki ku bijanye no gushitsa ivyo Imana idushinga gukora? [w02 1/12 rup. 31 ing. 1-2]

UGUSOMA BIBILIYA KW’UMUSHAMVU

11. Ni kubera iki igikoko cipfiriye canke capfuye kidakerewe Abisirayeli bo ubwabo batageza no ku munwa, bashobora kugiha uwo mu nyambukira canke kukigurisha ku munyamahanga? (Gus. 14:21) [w04 15/9 rup. 26]

12. Ni icigwa ikihe dukura mu Gusubira mu vyagezwe 20:5-7? [w04 15/9 rup. 27]

13. Ni kubera iki gufata “urusyo rw’uwundi cank’ingasire kw’ingwati” vyaba ari nk’ugutwara “amagara y’umuntu”? (Gus. 24:6) [w04 15/9 rup. 26]

14. Kubera yuko Abisirayeli bari babujijwe kurya ibinure na bimwe, kuba bararya “ibinure . . . vy’amapfizi y’intama” bishaka kuvuga iki? (Gus. 32:13, 14) [w04 15/9 rup. 27]

15. Gusubira mu vyagezwe 22:23-27. Mu gihe umugore agira afatwe ku nguvu akwiye gukora iki? [w04 15/9 rup. 27]