Urutonde rw’amakoraniro y’umurimo

Indwi itangura ku wa 10 Rusama

Ururirimbo rwa 3 (32)

Imin. 10: Amatangazo y’iwanyu. Amatangazo arobanuwe mu yo mu Gikorwa dukorera Ubwami. Nimba inama ziri ku rupapuro rwa 4 zibereye mu cibare ishengero ryakebewe, nimuzikoreshe mu kwerekana ingene hoshikirizwa Umunara w’Inderetsi wo ku wa 15 Ndamukiza na Be maso! (mu gifaransa) yo ku wa 22 Ndamukiza. Ubundi buryo bwo gutanguza ikiganiro burashobora gukoreshwa. Muri bumwebumwe bwose, niherekanwe uburyo butandukanye umuntu yokoresha mu kwishura amajambo yo guhagarika ikiyago agira ati: “Ndifitiye idini ryanje”.—Raba agatabu Uburyo bwo Gutanguza Ibiyago, urupapuro rwa 10-11.

Imin. 15: Woba umaze gusaba ikonji umukoresha wawe? Insiguro n’uguhana ijambo n’abumviriza bishikirizwa n’umukurambere bishingiye ku kiganiro kivuga ngo “Wewe ni ho uzoba uri?”, kiri mu Gikorwa dukorera Ubwami co muri Nzero 2000, urupapuro rwa 1. Nushiremwo insasanuro ukuye mu gitabu Ishure ry’Ubusuku, urupapuro rwa 67.

Imin. 20: ‘Twaguke’.a Nushiremwo insasanuro ukuye mu gitabu Senga Imana, urupapuro rwa 150, ingingo ya 14.

Ururirimbo rwa 23 (200) n’isengesho ryo gusozera.

Indwi itangura ku wa 17 Rusama

Ururirimbo rwa 6 (45)

Imin. 10: Amatangazo y’iwanyu.

Imin. 15: “Niwerekane ugukenguruka ufise”.b Umwanya ubibakundiye, nusabe abumviriza bagire ico bavuze ku vyanditswe vyatanzwe. Igihe muganira ku ngingo ya 3, nusabe umuntu umwe canke babiri baherutse gukora ubutsimvyi bwo gufasha bagire ico bavuze ku mihezagiro baronse kubera ico gikorwa.

Imin. 20: Turitwararikana (1 Kor. 12:25, 26). Insiguro n’uguhana ijambo n’abumviriza bishingiye ku gitabu Ubusuku Bwacu, urupapuro rwa 157-159, munsi y’agatwe kavuga ngo “Ukubabarana”. Naho twebwe abasavyi ba Yehova tuba mu mihingo yose y’isi, turafatanye mu nda. Twese dukwiye kwama dusabira abavukanyi bacu imisi yose. Ntidutebagana gutanga imfashanyo yo mu vy’umubiri igihe hashitse ibintu vyihutirwa. Nimusome mwongere muganire ku vyanditswe nyamukuru, kandi mushiremwo kimwe canke bibiri mu vyabonywe bivuye mu bisohokayandikiro vyacu.

Ururirimbo rwa 25 (204) n’isengesho ryo gusozera.

Indwi itangura ku wa 24 Rusama

Ururirimbo rwa 4 (43)

Imin. 12: Amatangazo y’iwanyu. Raporo y’ivy’amakonte. Nimugire imyerekano y’ukuntu hoshikirizwa Umunara w’Inderetsi wo ku wa 1 Rusama na Be maso! (mu gifaransa) yo ku wa 8 Rusama. Nimugire umwerekano wose mu buryo bukwegera umuntu w’aho iwanyu.

Imin. 15: “Umuziki uruhura”. Insiguro n’uguhana ijambo n’abumviriza. Nushiremwo insasanuro zivuye mu gitabu Annuaire 2002 ku rupapuro rwa 175 aho kiboneka, be n’izivuye mu Munara w’Inderetsi wo ku wa 1 Ruheshi 2001, urupapuro rwa 8, ingingo ya 7.

Imin. 18: Niwitegurire gushinga intahe akaryo kizanye. Insiguro n’uguhana ijambo n’abumviriza bishingiye ku Gikorwa dukorera Ubwami co muri Ruheshi 2003, urupapuro rwa 3. Nutunganye imbere y’igihe, hagire abantu bakeyi bigana ivyo biboneye igihe bariko barashinga intahe akaryo kizanye. Nimugire umwerekano mugufi w’ukuntu hokoreshwa ka gapapuro Woba Ushaka Kumenya Vyinshi ku Vyerekeye Bibiliya? be n’agatabu La bonne nouvelle pour toutes les nations, aho biboneka, igihe umuntu ashinga intahe akaryo kizanye.

Ururirimbo rwa 22 (130) n’isengesho ryo gusozera.

Indwi itangura ku wa 31 Rusama

Ururirimbo rwa 7 (51)

Imin. 8: Amatangazo y’iwanyu. Niwibutse abamamaji gutanga raporo y’umurimo wo mu ndimiro yo muri Rusama.

Imin. 17: “Bavyeyi—nimurinde abana banyu!”. Ikiganiro co guhana ijambo n’abumviriza gishikirizwa n’umukurambere gishingiye ku Munara w’Inderetsi wo ku 1 Ntwarante 1998, urupapuro rwa 7-10.

Imin. 20: “Gushikiriza igitabu Igira kuri wa Mwigisha Ahambaye”. Ico gisohokayandikiro ni co tuzoshikiriza muri Ruheshi. Nuvuge imice iranga ico gitabu idondorwa ku rupapuro rwa 7, ingingo ya 1-3. Nimuganire n’abumviriza ku bintu bashima kuri ico gitabu. Nimwihweze inama tugirwa zo kugishikiriza. Nushimike ku kuntu umuntu yoshiramwo amashusho igihe ashikiriza ico gitabu. Nusabe uwukiri muto agire umwerekano wo kugishikiriza akoresheje uburyo bwa mbere, uwukuze na we akoreshe bumwe muri ubwo buryo bubiri busigaye. Nimba hari ubundi buryo butandukanye n’ubwo, bworushiriza kuba ngirakamaro aho mu cibare iwanyu, mwoshobora kubuganira maze bukaba ari bwo mugirako umwerekano, aho gukoresha bumwe muri bwa buryo bubiri busigaye.

Ururirimbo rwa 16 (143) n’isengesho ryo gusozera.

Indwi itangura ku wa 7 Ruheshi

Ururirimbo rwa 20 (93)

Imin. 10: Amatangazo y’iwanyu n’Udukuru twa gitewokarasi. Nusabe abumviriza bagire ico bavuze ku vyiza biva ku kugira Ingoro y’Ubwami. Nuremeshe abavukanyi babandanye gushigikira iyo porogarama yo kwubaka Ingoro z’Ubwami.

Imin. 15: Ibikenewe iwanyu.

Imin. 20: Nukoreshe ibigereranirizo kirumara mu kwigisha kwawe. Insiguro n’uguhana ijambo n’abumviriza bishingiye ku Munara w’Inderetsi wo ku wa 1 Nyakanga 2002, urupapuro rwa 22-24. Ni ibintu bine ibihe bituma ikigereranirizo kiba kirumara? Ni kubera iki ari ngirakamaro kuguma tworoheje ibigereranirizo dukoresha? Ni hehe dushobora gukura ibigereranirizo vyiza? Nimwihweze bimwebimwe mu bigereranirizo biri mu ruzitiro rwo ku rupapuro rwa 23, kandi muganire ku bintu bituma kimwe cose muri vyo kiba kirumara.

Ururirimbo rwa 18 (162) n’isengesho ryo gusozera.

[Utujambo tw’epfo]