Amatangazo

◼ Ibisohokayandikiro vyo gushikiriza muri Gitugutu: Ibinyamakuru Umunara w’Inderetsi na Réveillez-vous!. Nimba hari abagaragaje ugushimishwa, murashikiriza ka gatabu Ni Ibiki Imana Idusaba?, mugire n’akigoro kadasanzwe ko gutanguza inyigisho za Bibiliya. Munyonyo: Ni Ibiki Imana Idusaba? canke Ubumenyi Bujana mu Buzima Budahera. Nimba abo musanze ku muhana basanzwe bafise ivyo bisohokayandikiro, nimushikirize agatabu Inzira Ijana mu Buzima Budahera—Woba Warayitoye? be n’igitabu Senga Imana Yonyene y’Ukuri canke ikindi gisohokayandikiro ca kera. Kigarama: Umuntu Ahambaye Kuruta Ababayeho Bose. Mu gihe mudafise ico gitabu, mwoshobora gushikiriza Igitabu Canje c’Inkuru za Bibiliya, La Bible — Parole de Dieu ou des hommes?, canke igitabu Urashobora Kubaho Ibihe Bidashira mw Iparadizo ngaha kw Isi. Nzero: Igitabu ico ari co cose ishengero ryoba rifise mu bubiko casohowe imbere yo mu 1988. Nimba mu bubiko ata bitabu na bimwe mufise muri ivyo, turabasavye murabe nimba amashengero yo mu micungararo ata bisohokayandikiro vya kera bisaguka afise mushobora gukoresha. Amashengero adafise ibitabu vya kera ashobora gushikiriza igitabu L’humanité à la recherche de Dieu.

◼ Inyongera yo muri iyi nomero y’Igikorwa dukorera Ubwami ni “Urutonde rw’Ishure ry’ubusuku bwa gitewokarasi rwo mu 2004” kandi umuntu akwiye kuruzigama kugira ngo azoze ararwikorako mu mwaka wose wa 2004.

◼ Nimba ku wa 1 Nzero ibihe vy’amakoraniro bizohinduka mw’ishengero ryanyu, umunyamabanga w’ishengero akwiye kumenyesha ibiro vy’ishami ayo mahinduka mu kurungika ya fomu y’Amamenyeshwa Yerekeye Amakoraniro y’Ishengero. Nimba bikenewe, kuri iyo fomu nyene murashobora gusabirako udukaratasi dushasha tw’ubutumire. Udukaratasi tw’ubutumire dukwiye gusabwa n’imiburiburi hagisigaye amayinga umunani ngo igihe mwipfuza kuturonkerako gishike.