Urutonde rw’amakoraniro y’umurimo

Indwi itangura ku wa 14 Mukakaro

Ururirimbo rwa 4 (43)

Imin. 10: Amatangazo y’iwanyu. Amatangazo arobanuwe mu yo mu Gikorwa dukorera Ubwami. Mukoresheje inama ziri ku rupapuro rwa 4, nimugire imyerekano ibiri, ihuje n’ukuntu vyifashe aho iwanyu, yerekana ingene Umunara w’Inderetsi wo ku wa 15 Ruheshi na Réveillez-vous! yo ku wa 22 Ruheshi vyoshikirizwa mu cibare ishengero ryanyu ryakebewe. Muri umwumwe wose ivyo binyamakuru bitegerezwa gutangirwa icarimwe, naho kimwe conyene ari co cerekanwa. Uwo mwamamaji asigure ya ndinganizo y’ivy’intererano, maze uwo yasanze ku muhana ahimbarwe no kuyitanga.

Imin. 15: Ugusenga Yehova biryohora gute ubuzima bwacu? Kuganira n’abumviriza. Ugusenga kw’ukuri ni ryo shingiro ryo kugira ubuzima burangwa agahimbare, buri n’ico buvuze. (1) Kuradufasha guhangana n’ingorane be n’imyitwarariko y’ubuzima (Flp. 4:6, 7). (2) Kuraturemesha gutsimbataza kamere zishimwa n’Imana (2 Pet. 1:5-8). (3) Kuradufasha gukoresha umwanya wacu n’ivyo dutunze mu buryo ngirakamaro (1 Tim. 6:17-19). (4) Kuraduha icizigiro ntakekeranywa ku vyerekeye kazoza (2 Pet. 3:13). (5) Kuratuma dushobora gutsimbataza ubucuti bwa somambike na Yehova (Yak. 4:8). Niwerekane ukuntu ivyo bintu bibuze mu bantu batazi Yehova canke batamukorera.

Imin. 20: “Dukurire ubwatsi Imana kubera imbabazi zayo”.a Igihe muzoba muriko muraganira ku ngingo ya 3, nubagire inama z’ingene umuntu yotangura inzira y’ibinyamakuru, zishingiye ku Gikorwa dukorera Ubwami co muri Gitugutu 1998, ku rupapuro rwa 4. Nubaze umwamamaji umwe canke babiri babishoboye, uburyo basanze bugira ico buvamwo igihe babukoresheje mu gutanguza inyigisho za Bibiliya. Nuremeshe bose kwishingira intumbero yo gutanguza no kurongora inyigisho ya Bibiliya.—om-RU rup. 92.

Ururirimbo rwa 26 (212) n’isengesho ryo gusozera.

Indwi itangura ku wa 21 Mukakaro

Ururirimbo rwa 11 (85)

Imin. 10: Amatangazo y’iwanyu. Raporo y’ivy’amakonte.

Imin. 10: “Porogarama nshasha y’iteraniro ry’umuzunguruko”. Insiguro n’uguhana ijambo n’abumviriza. Numenyeshe itariki iteraniro ry’umuzunguruko riza rizoberako, nimba izwi. Nimba mu mezi make aza ishengero rizokwitaba iteraniro ry’umuzunguruko ryagenewe, nucishemwo yuko abipfuza kubatizwa bobimenyesha umucungezi muhagarikizi. Nuremeshe bose kugira akigoro kadasanzwe ko gutumira abigishwa ba Bibiliya no kuzokwitaba ibiringo vyose vy’iryo teraniro.

Imin. 25: Tubigane mu buryo bamamaza bashize amanga. Ikiganiro co guhana ijambo n’abumviriza gishingiye kuri ca gitabu Senga Imana, ku rupapuro rwa 170-171. Nusabe abumviriza bishure ibibazo vyabajijwe mu ngingo ya 7 kandi mu nsasanuro zabo bashiremwo ivyanditswe vyatanzwe muri iyo ngingo. Nuhitemwo ivyanditswe bimwebimwe ubisome. Nushire ahabona ivyigwa twigira kuri izo nkuru be n’ukuntu zidufasha kubona mu buryo bubereye igikorwa twashinzwe co kwamamaza.

Ururirimbo rwa 17 (187) n’isengesho ryo gusozera.

Indwi itangura ku wa 28 Mukakaro

Ururirimbo rwa 6 (45)

Imin. 10: Amatangazo y’iwanyu. Niwibutse abamamaji gutanga raporo y’umurimo wo mu ndimiro yo muri Mukakaro. Mukoresheje inama ziri ku rupapuro rwa 4, nimugire imyerekano ibiri itandukanye y’ukuntu hoshikirizwa Umunara w’Inderetsi wo ku wa 1 Mukakaro na Réveillez-vous! yo ku wa 8 Mukakaro. Muri umwumwe wose, ivyo binyamakuru bikwiye gutangirwa icarimwe naho kimwe conyene ari co cerekanwa. Muri umwe muri iyo myerekano, niherekanwe umwamamaji ariko arashinga intahe akaryo kizanye.

Imin. 15: Ivyibukijwe be n’ibikenewe iwanyu.

Imin. 20: “Gushinga intahe tugize umugwi birazana umunezero”.b Muriko muraganira ku ngingo ya 3, nimushiremwo insasanuro zishingiye ku kiganiro Inyishu ku bibazo vyanyu kiri mu Gikorwa dukorera Ubwami co muri Nyakanga 2001. Nubaze ibibazo muri make umucungezi w’Inyigisho y’igitabu y’ishengero. Numubaze ingene yatunganije ivyo kuja mu murimo wo mu ndimiro mu mugwi w’inyigisho y’igitabu ajejwe be n’ingene uwo mugwi wungukira ku kwamamariza hamwe.

Ururirimbo rwa 3 (32) n’isengesho ryo gusozera.

Indwi itangura ku wa 4 Myandagaro

Ururirimbo rwa 16 (143)

Imin. 10: Amatangazo y’iwanyu. Nuvuge ibisohokayandikiro bishikirizwa muri ukwo kwezi. Nihagirwe umwerekano w’uburyo bumwe canke bubiri bugufi bwokoreshwa mu kubishikiriza. Udukuru twa gitewokarasi.

Imin. 20: “Gushikiriza ibisohokayandikiro mu cibare kirimwo abavuga indimi nyinshi”.c Nimukoreshe ibibazo vyatanzwe. Igihe mwihweza ingingo ya 3, nimba bibereye nihagirwe umwerekano w’ingene umuntu yogira ico ashikiriza mu buryo bworoshe mu rurimi mvamahanga rwoba ruvugwa mu cibare mwakebewe, kandi akaba ata shengero rihari rikoresha urwo rurimi.

Imin. 15: Abakiri bato bariko barashemeza Yehova! Insiguro n’uguhana ijambo n’abumviriza be n’ukubaza ibibazo. Turahimbarwa no kwumva ku makoraniro abakiri bato bariko baratanga insasanuro zateguwe neza. Umwete wabo n’iterambere bagira mw’Ishure ry’ubusuku bwa gitewokarasi birahimbaye. Baragaragaza ukwizera nyakuri igihe bashinga intahe nziza mu busuku. Inyifato yabo iranga kwubaha Imana, iratera iteka Yehova (yb88-F rup. 53-54). Iterambere ryabo ryo mu vy’impwemu rirababera ishingiro ryo kuzoterwa uduteka muri kazoza. Muri make nubaze ibibazo abakirisu babiri canke batatu bakiri bato, bagira uruhara badahorereza mu bikorwa vy’ishengero. Nukeze bivuye ku mutima abakiri bato bari mw’ishengero ku bw’utwigoro dukomeye bagira kugira bashemeze Yehova.

Ururirimbo rwa 29 (222) n’isengesho ryo gusozera.

[Utujambo tw’epfo]