Urutonde rw’amakoraniro y’umurimo

Indwi itangura ku wa 10 Ntwarante

Ururirimbo 3 (32)

Imin. 10: Amatangazo y’iwanyu. Amatangazo arobanuwe mu yo mu Gikorwa Dukorera Ubwami. Mukoresheje inama ziri ku rupapuro rw’8, nimwerekane ukuntu umuntu yoshikiriza Umunara w’Inderetsi wo ku wa 15 Ruhuhuma na Réveillez-vous! yo ku wa 22 Ruhuhuma. Mu mwerekano umwumwe wose, ivyo binyamakuru vyompi bikwiye gushikirizwa icarimwe, naho kimwe ari co conyene umwamamaji yerekana.

Imin. 15: “Ikete rivuye ku Nama Nyobozi.” Insiguro be n’uguhana ijambo n’abumviriza. Nuvuge ibintu bikurubikuru bivuye muri raporo yo kw’isi yose dusanga mu Munara w’Inderetsi wo ku wa 1 Nzero 2003.

Imin. 20: “Tube abanyamwete mu gukora ivyiza!”a (Ingingo ya 1-11) Mumaze kuganira ku ngingo ya 6, nimugire umwerekano mugufi aho umwamamaji atumira incuti, umubanyi, uwo bigana kw’ishure, canke uwo bakorana kuza ku Cibutso akoresheje agapapuro k’ubutumire. Niba udupapuro tw’ubutumire bw’Icibutso tutaratangwa, dukwiye kuba tuhari inyuma y’ikoraniro.

Ururirimbo 22 (130) n’isengesho ryo gusozera.

Indwi itangura ku wa 17 Ntwarante

Ururirimbo 12 (113)

Imin. 10: Amatangazo y’iwanyu. Raporo y’ivy’amakonte.

Imin. 15: Nube inkerebutsi mu guhitamwo abagenzi. Insiguro ishikirizwa n’umukurambere ishingiye kuri Réveillez-vous! yo ku wa 22 Ruhuhuma 1997, urupapuro rwa 13, be no ku mayagwa ari musi y’agatwe kavuga ngo “Les mauvaises compagnies” (Abagenzi babi) kari mu gitabu Comment raisonner, urupapuro rw’192 (mu Giswahili ni urupapuro rw’120, ahavuga ngo “Mashirika mabaya.”) Niwerekane ukuntu ingingo ngenderwako zirimwo ziraba abato n’abakuze. Nushimike ku vyiza biva ku guhitamwo kugira abagenzi abantu bakunda Yehova kandi bagaragaza yuko bihatira kwumira ku ngingo mfatirwako ziwe.

Imin.20: “Tube abanyamwete mu gukora ivyiza!”b (Ingingo ya 12-25) Gishikirizwe n’umucungezi muhagarikizi. Igihe murimbura ingingo ya 13, nimugire umwerekano mugufi, aho umukurambere agendera umuvukanyi w’ikimuga kugira ngo amuremeshe, muri uwo mwerekano aramusigurira abigiranye ubugwaneza ukuntu ashobora kugira uruhara mu mirimo yiyongereye ishengero rikora mu kiringo c’Icibutso.

Ururirimbo 8 (53) n’isengesho ryo gusozera.

Indwi itangura ku wa 24 Ntwarante

Ururirimbo 18 (162)

Imin. 10: Amatangazo y’iwanyu. Mukoresheje inama ziri ku rupapuro rw’8, nimwerekane ukuntu umuntu yoshikiriza Umunara w’Inderetsi wo ku wa 1 Ntwarante na Réveillez-vous! yo ku wa 8 Ntwarante.

Imin. 15: Ibikenewe iwanyu.

Imin. 20: Ivyabona vya Yehova baragira akosho keza mu kibano. Insiguro be n’uguhana ijambo n’abumviriza. Rimwe na rimwe turaronka akaryo ko kwerekana ukuntu ubusuku bwacu be n’akarorero dutanga bigirira akamaro ikibano. Nusabe abumviriza bagire ico bavuze kuri ibi vyiyumviro bikurikira: (1) Turigisha abantu kubaho bahuza n’ingingo mfatirwako zo muri Bibiliya zijanye n’inyifato runtu. (2) Turigisha abantu kuba inzirabugunge no kwubaha ubukuru. (3) Turigisha umwumvikano hagati y’imigwi idasangiye ubwoko, ubwenegihugu be n’ikibano. (4) Turafasha abandi kuryohora ubuzima bwabo bwo mu rugo mu kubaremesha gushira mu ngiro ingingo ngenderwako za Bibiliya. (5) Twarigishije abantu ibihumbi n’ibihumbi gusoma no kwandika. (6) Turihatira gufasha abandi mu bihe vy’ivyago. (7) Twaragize uruhara rukomeye mu guharanira umwidegemvyo wo mu vy’ugusenga, abantu bose bakaba bawungukirako.—Raba igitabu Prédicateurs ku rupapuro rw’699.

Ururirimbo 5 (46) n’isengesho ryo gusozera.

Indwi itangura ku wa 31 Ntwarante

Ururirimbo 22 (130)

Imin. 12: Amatangazo y’iwanyu. Niwibutse abamamaji bose gutanga raporo y’umurimo wo mu ndimiro yo muri Ntwarante. Nuvuge ibisohokayandikiro bizoshikirizwa muri Ndamukiza. Nimuganire ku vyiyumviro bikurubikuru ku gatwe kavuga ngo “Ivyibukijwe ku vyerekeye Icibutso.”

Imin. 13: Ivyabonywe aho iwanyu. Nusabe ishengero ryigane ivyo ryiboneye mu gihe ca ya mirimo yiyongereye yaba muri Ntwarante. Nubakeze ku kigoro bagize, maze uremeshe bose kugira uruhara bimwe bishitse muri Ndamukiza, uko ivyabo bibashobokeye kwose.

Imin. 20: “Yehova arabereye gushemezwa cane.”c Nushimike ku kamaro k’Icibutso. Niwerekane ukuntu bose bashobora kuba kirumara mu gufasha abandi kugira ngo babe ari ho bari. Nusigure igishobora gukorwa kugira ngo dushikire abahororokewe kugira basubire kuvyura ugushimishwa. Nusabe abumviriza bigane ivyabonywe ivyo ari vyo vyose biremesha mu gihe c’Icibutso co ku mwaka uheze.

Ururirimbo 23 (200) n’isengesho ryo gusozera.

Indwi itangura ku wa 7 Ndamukiza

Ururirimbo 21 (191)

Imin. 10: Amatangazo y’iwanyu.

Imin. 15: Ukuntu twozirikana ku Vyanditswe. Uguhana ijambo n’abumviriza. Dushobora gute gutsimbataza ubushobozi bwo kuzirikana mu buryo ngirakimazi n’abantu duhura mu busuku? (1) Nurondere kumenya neza Ivyanditswe biciye ku kwiyigisha no ku kwitaba amakoraniro ubudahorereza. (2) Nuzirikane ku vyo wiga, usuzume ukuri ufatiye ku vyiyumviro bitandukanye. (3) Nturondere gusa insiguro z’Ivyanditswe ariko kandi urondere no kumenya imvo zishingiye ku Vyanditswe zatumye izo nsiguro zitangwa. (4) Nurabe ukuntu wosigurira ivyanditswe abantu batandukanye. (5) Niwiyumvire ukuntu wotangira akarorero ivyiyumviro binaka.

Imin. 20: “Ingene ukuri kuduha kwidegemvya.”d Nushiremwo insasanuro ziri mu ruzitiro ruboneka mu Munara w’Inderetsi wo ku wa 1 Gitugutu 1998, urupapuro rwa 6. Nusabe abumviriza bavuge ukuntu ukuri kwo mw’Ijambo ry’Imana kwatumye bidegemvya.

Ururirimbo 9 (37) n’isengesho ryo gusozera.

[Utujambo tw’epfo]