Isubiramwo ry’Ishure ry’Ubusuku bwa Gitewokarasi
Isubiramwo rigirwa ibitabu bizinze ry’amayagwa yihwejwe mw’Ishure ry’Ubusuku bwa Gitewokarasi, yo ku mushamvu wo ku wa 2 Nyakanga gushika ku wa 23 Kigarama 2002. Korera ku rundi rukaratasi mu kwishura ibibazo vyinshi ushoboye mu mwanya watanzwe.
[Ibimenyeshejwe: Mu gihe c’iryo subiramwo, ushobora gukoresha Bibiliya yonyene kugira ngo wishure ikibazo ico ari co cose. Amarabiro yatanzwe inyuma y’ibibazo agenewe kworohereza ubushakashatsi wewe wigirira. Ibitigiri biranga urupapuro n’ingingo bishobora kuterekanwa ku marabiro arungika ku Munara w’Inderetsi.]
Ishura Ni Vyo canke Si Vyo ku bivuzwe bikurikira:
1. Ntidukwiye kwigera tureka ngo ingeso mbi y’uwundi muntu icike imvo yo gutsitaza abandi canke ngo ibe ikintu cotunyaga umunezero wacu mu murimo wa Yehova. (Zab. 119:165) [om-RU rup. 145 ing. 1]
2. Ifatanywa ry’inkoni zibiri zivugwa muri Ezekiyeli 37:15-24 rirafise ico rigereranya muri iki gihe mu buryo bw’uko mu 1919 abasizwe b’abizerwa banywanishijwe barongowe na Kirisitu, “umwami umwe” wabo akaba n’ “umwungere umwe” wabo. [Ugusoma Bibiliya kw’umushamvu; raba w88-F 15/9 rup. 25 ing. 13.]
3. Kubera ko umuhero w’ivy’iyi si ishaje uguma wegereza, birakenewe rwose ko turushiriza kwiyegereza abavukanyi bacu b’Abakirisu. (1 Pet. 4:7, 8) [uw-RU rup. 133 ing. 4]
4. Ivyaha Yezu yariko aravuga muri Matayo 18:15-17 vyari ubusambanyi, ubuhuni be n’ugusenga ibigirwamana. [om-RU rup. 144 ing. 1]
5. Abantu bakunda guharira barashobora gutwengera mw’ijigo iciyumviro cerekeye abantu bozuka mu bapfuye, mugabo kirajanye neza n’ivy’uko “Imana [ari] urukundo” hamwe n’uko ari “i[yi]ha impēra abayirondera.” (1 Yoh. 4:16; Heb. 11:6) [w98-RU 1/7 rup. 20 ing. 16]
6. Igihe umuntu agarukanywe mw’ishengero rya gikirisu, hazoshikirizwa itangazo rivuga gusa yuko ubu ari umuvukanyi wacu canke umuvukanyikazi wacu. [om-RU rup. 150 ing. 2]
7. Muri Obadiya 16 habura uguhona kw’Abanyedomu uko bari bagize ihanga kubera urwanko banka Ubuyuda. (Ob. 12) [Ugusoma Bibiliya kw’umushamvu; raba uruzitiro, w89-F 15/4 rup. 30.]
8. Igihe abakurambere bo mw’ishengero baronse raporo ivuye ku muvukanyi yuko hari umwamamaji yabatijwe yakoze icaha gikomeye, abakurambere batatu canke barenga bazoca ubwo nyene bashinga komite ncarubanza kugira ngo bamufashe. [om-RU rup. 146 ing. 1]
9. Dutegerezwa kutareka ngo amaganya y’ubuzima, ukutanegwa ibintu kw’abantu canke impengamiro zacu bwite z’agasembwa bitume duhungabana mu kwizera dufitiye ivyo Imana yasezeranye. (Luka 21:16-19) [w98-RU 1/8 rup. 10 ing. 12]
10. “Umufilisitiya” acika nk’ “umutware w’i Buyuda,” nk’uko avugwa muri Zekariya 9:6, 7, mu buryo bw’ubuhanuzi agereranya abo mu zindi ntama muri iki gihe bariko baramenyerezwa na “wa mushumba w’umwizerwa kandi w’incabwenge” maze bagahabwa ubukuru uko bikenewe. (Mat. 24:45, NW) [Ugusoma Bibiliya kw’umushamvu; raba w95-RU 1/7 rup. 30 ing. 14.]
Ishura ibibazo bikurikira:
11. Ibanga ryacu ryo kwamamaza rishobora kugereranywa gute n’ibanga Ezekiyeli yari afise ryo kuba inderetsi? (Ezk. 33:1-11) [Ugusoma Bibiliya kw’umushamvu; raba w88-F 1/1 rup. 28 ing. 13.]
12. Ni ibintu ibihe bisa n’ivyo Ezekiyeli yeretswe vyerekeye amagufa yumye, vyabaye mu bihe vya none? (Ezk. 37:5-10) [Ugusoma Bibiliya kw’umushamvu; raba w88-F 15/9 rup. 24 ing. 12.]
13. Kubera ko ibatisimu ya Yohani yari ikimenyetso canke ukwemera icese yuko umuntu yigaye abikuye ku mutima ivyaha yakoze mu kurenga kw’isezerano ry’Ivyagezwe vy’Imana, ni kubera iki Yezu yashimitse asaba ko abatizwa na we? [gt-RU ikig. 12]
14. Ca gisagara kivugwa mu vyo Ezekiyeli yeretswe kigereranya iki? (Ezk. 48:15-17) [Ugusoma Bibiliya kw’umushamvu; raba w99-RU 1/3 rup. 27 ing. 22.]
15. Mu 1 B’i Korinto 15:23, intumwa Paulo yavuze yuko izuka rizoba ku rutonde “umuntu wese mu mwanya wiwe.” Ivyo bishaka kuvuga iki? [w98-RU 1/7 rup. 31 ing. 16]
16. Ni icigwa ikihe dushobora kwigira ku kuntu Daniyeli yakiriye itegeko ry’umwami ryavuga yuko ata yindi mana ikwiye gusengwa canke uwundi muntu n’umwe mu kiringo c’imisi 30 atari umwami gusa? (Dan. 6:7-10) [Ugusoma Bibiliya kw’umushamvu; raba dp-F rup. 125-126 ing. 25-28.]
17. Amasigarira yabaye nk’intambwe mu mahanga mu gutangaza ubutumwa ubuhe bwa Yehova? (Mika 5:8) [Ugusoma Bibiliya kw’umushamvu; raba w81-F 15/10 rup. 23 ing. 10.]
18. Amajambo ari muri Habakuki 3:14 avuga ngo “wasogotesheje umugabisha w’ingabo ziwe ibimīto vyawe,” asobanura iki? [Ugusoma Bibiliya kw’umushamvu; raba w00-RU 1/2 rup. 28 ing. 15; w81-F 1/11 rup. 29 ing. 6-7.]
19. Ikoreshwa ry’ijambo “kumbure” muri Zefaniya 2:3 ryerekana iki? [Ugusoma Bibiliya kw’umushamvu; raba w01-RU 1/3 rup. 10 ing. 8.]
20. Nk’uko muri Zekariya 8:6 habivuga, mu myaka yo guhera mu 1919, Yehova yaranguye gute igishobora kuba casa n’ikigoye cane ufatiye ku kuntu umuntu abona ibintu? [Ugusoma Bibiliya kw’umushamvu; raba w96-RU 1/1 rup. 23 ing. 18-19.]
Tanga i(ama)jambo canke imvugo (b)ikenewe kugira wuzuze ibivuzwe bikurikira:
21. Igihe cose biba vyashinzwe ko ikibi cakozwe, abacungezi _________________________ kugira ngo _________________________ nimba vy’ukuri yigaya, nk’uko vyerekanwa nk’akarorero n’uko akora _________________________. (Ivyak. 26:20) [om-RU rup. 147 ing. 1]
22. Mu gihe bicariye urubanza, nimba ingingo ifashwe ari uguca umuntu, komite ikwiye kubwira uwakoze ikibi yuko nimba yiyumvira yuko _________________________ ryoba ryahabaye mu guca urubanza akaba yipfuza _________________________ urubanza rwaciwe n’iyo komite, ashobora kurwunguruza mu _________________________ rivuga ritomora impamvu z’iryo yunguruza. [om-RU rup. 148 ing. 1]
23. “Icagezwe co kuvyura no kwubaka _________________________” cabonetse mu _________________________, cerekana intango y’amayinga 69 y’imyaka, ayarangiranye n’ukuza kwa Mesiya _________________________. (Dan. 9:25) [Ugusoma Bibiliya kw’umushamvu; raba dp-F rup. 190 ing. 20-rup. 191 ing. 22.]
24. Mu gihe umwamamaji _________________________ yakoze ikibi gikomeye akaguma ari intigaya inyuma y’aho _________________________ bamariye kubonana na we, hazoca hashikirizwa _________________________ rimenyesha ishengero yuko uwo muntu atakiri _________________________. [om-RU rup. 149 ing. 3]
25. Ku muntu yaciwe ashaka kugarukanwa, abakurambere baritwararika kureka ngo hace umwanya ukwiye, kumbure _________________________, _________________________, kugira ngo uwo muntu yaciwe agaragaze yuko ukuba avuga ko yigaye ari ukw’ _________________________. [om-RU rup. 149 ing. 4]
Robanura inyishu y’ukuri muri kimwekimwe mu bivuzwe bikurikira:
26. Mu gihe ca bwa bukwe bw’i Kana, mu kwishura nyina ngo “Duhuriye hehe [“nawe,” NW]?” ivyo vyerekana yuko Yezu (yagaragaje ko atubaha umuvyeyi wiwe; yama yanka kugamburuka ivyo Mariya avuze; kubera ko ari Umwami Imana yagenye, ntiyari uwo gutegekwa n’abo mu rugo canke abagenzi mu vyo akora). [gt-RU ikig. 15]
27. Igihe Yezu yariko aravuga ivyerekeye gusambura urusengero maze akazoruhagarika mu misi itatu, yariko aravuga ivyerekeye (urusengero rwa Yeruzalemu, urusengero rw’umubiri wiwe, urusengero rwo mu vy’impwemu). [gt-RU ikig. 16]
28. Ibintu vyinshi bitangaje vyarangukiye mu gikorwa c’ubuherezi Yezu Kirisitu yakoze hamwe no mu gutangako inkuka ubuzima bwiwe bw’umuntu, tubisanga (mw’Isezerano rya Aburahamu, mu Vyagezwe vya Musa; mu cagezwe c’urukundo). [uw-RU rup. 151 ing. 12]
29. Ihanga ry’inzige ry’ikigereranyo rivugwa muri Yoweli 1:4-6 rigereranya (ihanga rya Isirayeli; Abakirisu basizwe; ingabo z’Abaroma). (Ivyak. 2:1, 14-17) [Ugusoma Bibiliya kw’umushamvu; raba w98-RU 1/5 rup. 15 ing. 9.]
30. Nk’igihe dufitaniye ingorane y’ivy’amahera n’uwundi muvukanyi wo mw’ishengero canke kumbure ari ivy’ukuvuga nabi vyatumye hagira uwubabara koko, kugira ngo ishengero rigume ririmwo amahoro vyoba vyiza (twegereye abakurambere bo mw’ishengero hakiri kare bishoboka; tubiretse bikirenganira kubera ari umuvukanyi wawe mukirisu; dushize mu ngiro Matayo 18:15-17 mu kugerageza ubwa mbere na mbere gufasha ubwacu uwatugiriye nabi, tukamwishikirira ubwiwe). [uw-RU rup. 136 ing. 12]
Huza ivyanditswe bikurikira n’ibivuzwe bitondetswe aha hepfo:
Hos. 6:6; Yow. 2:32; Mat. 5:23, 24; Luka 16:10; Kol. 3:12-14
31. Udusembwa twacu hamwe n’utw’abandi, udushobora kwibonekeza mu matati ava ku kudahuza kamere n’abandi, dushobora gutuma haba ibintu bigoye kwihanganira bimwe bidasanzwe. Mugabo mwene izo ntambamyi nyene zirashobora gutsindwa no kwihanganirwa neza n’abumira ku mpanuro y’Ijambo rya Yehova. [om-RU rup. 169 ing. 2]
32. Igihimbara Imana si ibimazi vyinshi bitangwa mu buryo bwo guheza umwuga, ahubwo ihimbarwa n’uguserura urukundo rudahemuka rushingiye ku kuyimenya. [Ugusoma Bibiliya kw’umushamvu; raba si-F rup. 145-146 ing. 16.]
33. Kumenya izina ry’Imana, kuryubaha no kwiheka kuri nyene iryo zina birakenewe kugira ngo umuntu azoronke ubukiriro. [Ugusoma Bibiliya kw’umushamvu; raba uruzitiro, w89-F 15/3 rup. 30.]
34. Igihe tubonye ko umuvukanyi aturaba nabi, naho ata rwanko tumufitiye, dukwiye guca dukebukana na we tudatevye, tukagerageza gusubiza hamwe. [uw-RU rup. 135 ing. 10]
35. Turamutse duhunze ukwihanganira ibigeragezo bitobito duhura na vyo, ntituzokwigera dushobora guhangana n’ibigeragezo bininibinini kandi bihambaye kuruta vy’ukwizera kwacu. [om-RU rup. 164-165 ing. 2]