Urutonde rw’Amakoraniro y’Umurimo

Indwi Itangura ku wa 10 Kigarama

Ururirimbo 28 (224)

Imin 10: Amatangazo y’iwanyu. Amatangazo arobanuwe mu yo mu Gikorwa Dukorera Ubwami. Aho amavidewo aboneka, nimuremeshe umuntu wese kuraba ividewo Jusqu’aux extrémités de la terre kugira babe baritegurira ikiganiro co mw’Ikoraniro ry’Umurimo ryo mu ndwi ya 24 Kigarama. Aho amavidewo ataboneka, ikiganiro kivuga ngo “Ivyibukijwe” kizoheza abe ari co kirimburwa ku ndwi itangura ku wa 24 Kigarama.

Imin. 15: Ibikenewe iwanyu be n’Udukuru twa Gitewokarasi.

Imin. 20: “Imihezagiro Iva ku Kugaragaza Ugukenguruka Urukundo rwa Yehova—Ikigabane ca 2.”a Mu gihe muzoba muriko muraganira ku ngingo 2-6, nuhe ikaze ishengero kugira ryigane ivyo ryiboneye mu kubwira amajambo ahumuriza akongera agaha icizigiro abantu bafise intimba kandi bababaye bivuye ku cago giherutse kuba n’amakuba yagikurikiye. Nutegekanye imbere y’igihe ivy’ukugira agakino kerekana uburyo bumwe canke bubiri bw’ukuntu babigenjeje.

Ururirimbo rwa 29 (222) n’isengesho ryo gusozera.

Indwi Itangura ku wa 17 Kigarama

Ururirimbo rwa 3 (32)

Imin. 10: Amatangazo y’iwanyu. Raporo y’ivy’amakonte. Nimuvuge ivy’indinganizo zidasanzwe z’umurimo wo mu ndimiro zatunganijwe ku wa 25 Kigarama be no ku wa 1 Nzero.

Imin. 22: “Nuramirize Neza Ijambo ry’Imana.”b Nushiremwo umwerekano werekana neza na neza inshikirizo iri ku ngingo ya 4. Ikindi kandi, nimwerekane inshikirizo ngirakimazi imaze gukoreshwa aho iwanyu mu kuremesha canke mu guhumuriza abantu bafise intimba ku bw’ibintu turimwo muri iyi si. Mwoshobora kwigana muri make icabonywe. Inyuma y’aho, nubaze abumviriza kugira ico bavuze ku gituma bumva yuko gukoresha Bibiliya mu gushinga intahe bizoba kirumara kurushiriza.

Imin. 13: “Nta vyo Nshaka.” Ukuganira n’abumviriza hamwe n’imyerekano ibiri iteguwe neza bishingiye ku gatabu Uburyo bwo Gutanguza no Kubandanya Ibiyago Bishingiye Kuri Bibiliya, urupapuro rw’8.

Ururirimbo rwa 18 (162) n’isengesho ryo gusozera.

Indwi Itangura ku wa 24 Kigarama

Ururirimbo rwa 25 (204)

Imin. 10: Amatangazo y’iwanyu. Numenyeshe ibisohokayandikiro bizoshikirizwa muri Nzero be n’udutabu ishengero rifise mu bubiko.

Imin. 10: “Ishure ry’Ubusuku bwa Gitewokarasi mu 2002.” Insiguro ishikirizwa n’umucungezi w’ishure. Nuremeshe bose kuba abanyamwete mu gushitsa ibigabu bahabwa.

Imin. 25: Aho amavidewo ataboneka, nimuganire ku kiganiro kivuga ngo “Ivyibukijwe.” Aho amavidewo aboneka, nimuganire ku kiganiro kivuga ngo “Gushinga Intahe—Gushika ku Mpera z’Isi.” Ukuganira n’abumviriza. Nuremeshe bose kuzirikana bashimitse ku vyerekeye ikindi kintu boshobora gukora kugira bashikane ku bandi inkuru nziza, haba aho iwanyu canke ahandi bikenewe kuruta. Niwisunge Igikorwa Dukorera Ubwami co muri Mukakaro 2001, urupapuro rwa 4. Muri Ruhuhuma tuzoraba ya videwo ivuga ngo Noé—Il marchait avec Dieu. (Nowa—Yagendana n’Imana)

Ururirimbo rwa 4 (43) n’isengesho ryo gusozera.

Indwi Itangura ku wa 31 Kigarama

Ururirimbo rwa 11 (85)

Imin. 13: Amatangazo y’iwanyu. Nimwibutse abamamaji gutanga raporo y’umurimo wo mu ndimiro yo muri Kigarama. Nimba ishengero ryanyu rizohindura amasaha y’amakoraniro umwaka utanguye, nimuhimirize n’ubugwaneza umuntu wese kwitaba amakoraniro adahorereza kuri ayo masaha mashasha. Muraraba neza yuko abashimishwa bose be n’uwo wese yahororokewe ko bazi ayo mahinduka. Mukoresheje inama ziri ku rupapuro rw’8, nimugire umwerekano werekane ukuntu twoshikiriza (1) Umunara w’Inderetsi wo ku 1 Nzero hamwe na (2) Réveillez-vous ! yo ku wa 22 Kigarama.

Imin. 15: Nuhe Abakurambere Icubahiro Bakwiriye. Abakozi b’ishengero babiri canke batatu baganire ku Munara w’Inderetsi wo ku wa 1 Ruheshi 1999, urupapuro rwa 30-31. Baravuga ku vyerekeye ibikorwa vyinshi abakurambere bategerezwa kwitwararika, harimwo n’ibikorwa vy’umubiri, amabanga yo mu muryango be n’ibikebere mu vya gitewokarasi. Nimurimbure uburyo bose bashobora kubaremeshamwo, bakabaremurura umutwaro kandi bakanakurikiza ubuyobozi babaronsa. Abo bakozi b’ishengero baremera ko abakurambere bariko bararangura umurimo w’agaciro kandi ko bakwiye “[ku]bubaha rwose.”—1 Tes. 5:12, 13.

Imin. 17: “Ihwaniro ry’Intara ry’Ivyabona vya Yehova Ryataziriwe ngo ‘Abamamaji b’Ubwami b’Abanyamwete’ ryo mu 2002.”c Gishikirizwa n’umunyamabanga, ashimikire ku ngingo ya 4-9. Mu kiringo co kwihweza ingingo ya 3, nusome ikete ryo ku wa 15 Kigarama 2001 rigena ihwaniro muzokwitaba. Nukeze ishengero n’igishika cinshi ku bw’ukuzoringaniza hakiri kare bishoboka ivy’iryo hwaniro.

Ururirimbo rwa 16 (143) n’isengesho ryo gusozera.

Indwi Itangura ku wa 7 Nzero

Ururirimbo rwa 20 (93)

Imin. 12: Amatangazo y’iwanyu. Mukoresheje inama ziri ku rupapuro rw’8, nimugire umwerekano ugizwe n’inshikirizo zibiri ngufi z’ibinyamakuru, muri imwe mukoreshe Umunara w’Inderetsi wo ku 1 Nzero mu yindi mukoreshe Réveillez-vous ! yo ku wa 8 Nzero. Umwe muri iyo myerekano nimuwuhe uwukiri muto abe ari we awushikiriza.

Imin. 18: Nukoreshe Neza Ubuzima Bwawe. Abagize umuryango baganire ku Munara w’Inderetsi (mu Gifaransa) wo ku wa 15 Myandagaro 1998, urupapuro rwa 8-9. Sebibondo ashaka ko umuryango ukurikirana ubuzima buzobazanira umunezero aho kuzokwicuza. Barasubiramwo impanuro yo mu Vyanditswe iri muri ico kiganiro cerekana ukuntu bogira agahimbare, bagashimikira ku vy’uko hakenewe ugutandukanya iciza n’ikibi, gushinga ibiza imbere y’ibindi kandi vy’ingirakimazi, maze bakizigira Yehova. Baraca ku masonga ibintu vy’ingirakamaro bashobora kubogora bwa bagize umuryango.

Imin. 15: Twihweze Ingoro y’Ubwami Yacu. Insiguro ishikirizwa n’umukurambere. Nimusuzume ingene Ingoro y’Ubwami imeze. Ni iyihe migambi yafashwe kugira ngo hagirwe isuku imbere y’uko Icibutso kiba? Ni ibiki bisabwa gusanurwa imbere y’ico gihe? Nusigure ukuntu ishengero rishobora gufasha. Nushimikire ku vy’uko hakenewe gushira amazinda yuko ikibanza twambarizamwo Yehova kigaragaza ubwiza n’icubahiro bijana n’ingoro yiwe.—Zab. 84:1.

Ururirimbo rw’8 (53) n’isengesho ryo gusozera.

[Utujambo tw’epfo]