Urutonde rw’Amakoraniro y’Umurimo

Indwi Itangura ku wa 8 Nzero

Ururirimbo rwa 4 (43)

Imin. 7: Amatangazo y’iwanyu. Amatangazo arobanuwe mu yo mu Gikorwa Dukorera Ubwami.

Imin. 13: “Umuco Wanyu [N]ubonesh[e].”a Nushiremwo insasanuro zo mu Munara w’Inderetsi wo ku wa 1 Ruheshi 1997, urupapuro rwa 28 ingingo ya 12-13. Nuremeshe bose kutagisha akaryo kose kabonetse ko gushinga intahe.

Imin. 25: Intunganyo Ziranga Urukundo Zerekeye Ukuvurwa Kwacu. Insiguro ishikirizwa n’umukurambere abishoboye, ishingiye ku Vyakozwe 15:28, 29 no kw’ikete ryo ku wa 15 Ruhuhuma 1997 be n’iryo ku wa 1 Kigarama 1998. Nushimike ku vy’uko ugukingirwa guhuje n’amategeko kurushirije kuba kwiza ku vyo kwirinda guterwa amaraso umuntu atabishaka gushikwako mu kwuzuza ya karata yitwa Instructions médicales/Pas de sang (Amabwirizwa y’ivy’Ubuvuzi/Ntimuntere Amaraso). Ico cete kirashobora guhabwa abamamaji babatijwe inyuma y’ikoraniro ryo kuri uwo musi, mugabo NTIGIKWIYE kwuzuzwa uwo musi. Ishengero rikwiye kuba rifise igitigiri gikwiriye c’amakarata co kugabanganya. Ukuyashirako umukono, ukuyashirako ivyabona, hamwe n’ukuyashirako igenekerezo bizogirwa Inyigisho y’Igitabu y’Ishengero iza irangiye, bihagarikiwe n’umurongozi w’inyigisho y’igitabu aho bikenewe. Abashirako umukono bwa vyabona bakwiye kwibonera uwo nyene ikarata ashira umukono kuri ico cete. Abarongozi b’inyigisho y’igitabu bakwiye kuraba yuko abakukira imigwi yabo bose basahirijwe nk’uko bavyipfuza kugira ngo buzuze iyo karata Instructions médicales/Pas de sang (Amabwirizwa y’ivy’Ubuvuzi/Ntimuntere Amaraso). Udukarata Karanzi tw’abana abavyeyi baraturonka inyuma y’ikoraniro. Abamamaji batarabatizwa bakurikije imvugo ikoreshwa kuri iyo karata bakayihuza n’uko ivyabo vyifashe be n’ivyo bemera, barashobora kwiyandikira amabwirizwa bazokoresha bo hamwe n’abana babo.

Ururirimbo rw’11 (85) n’isengesho ryo gusozera.

Indwi Itangura ku wa 15 Nzero

Ururirimbo rw’7 (51)

Imin. 10: Amatangazo y’iwanyu. Raporo y’ivy’amakonte.

Imin. 15: Ibikenewe iwanyu be n’Akumba k’Ibibazo.

Imin. 20: Woba Wihweza Ivyanditswe ku Musi ku Musi? Insiguro n’ibiganiro vyo kubaza ibibazo. Nurimbure Umunara w’Inderetsi wo ku wa 1 Nzero 1997 urupapuro rwa 11-12 ingingo ya 12-14, ushira ahabona ubukerebutsi bwo kuyaga ku canditswe c’umusi muri umuryango. Nubaze abagize umuryango, umwumwe wese yibuke ikiganiro giherutse c’icanditswe c’umusi cagaragaye canecane ko ari nzanakunguko kandi batange igituma. Nushimike ku vy’uko ivyo bikwiye kuba mu bigize porogarama idahorereza y’inyigisho y’umuryango yagenewe gukomeza ingo zacu no gutuma umuryango uguma ufise umwete mu busuku.

Ururirimbo rwa 18 (162) n’isengesho ryo gusozera.

Indwi Itangura ku wa 22 Nzero

Ururirimbo rwa 20 (93)

Imin. 7: Amatangazo y’iwanyu.

Imin. 18: Uburyo bwo Gutegura Amajambo Ntanguzakiyago. Insiguro n’imyerekano. Nimwihweze ivyiyumviro nyamukuru biri mu gitabu Kutoa Sababu urupapuro rw’9. Niwerekane ukuntu dushobora kurobanura amajambo ntanguzakiyago arushirije kuba ayahuye n’uburyo dukoresha, kamere yacu, be n’icibare cacu. Nimwihweze amajambo ntanguzakiyago amwamwe y’akarorero ashobora gukoreshwa hamwe n’agatabu Ni Ibiki Imana Idusaba?, hanyuma usabe ko bagira umwerekano bakoresheje akarorero kamwe canke tubiri muri two. (Raba Igikorwa Dukorera Ubwami co muri Rusama 1997, urupapuro rw’8.) Nuremeshe umwe wese gukoresha neza amagirenama yatanzwe mu gitabu Kutoa Sababu no mu Gikorwa Dukorera Ubwami mu gikorwa cabo c’umurimo wo mu ndimiro.

Imin. 20: “Nube Umwumviriji Mwiza.” Insiguro n’uguhana ijambo n’abumviriza. Nimwihweze ivyiyumviro bivuye mu gitabu Kiongozi cha Shule, urupapuro rwa 27-28, ingingo ya 15-17. Isuzumwa rirushirije kuba ryiza ry’akamenyero kacu ko kwumviriza ni ukuntu ivyo dushobora kwibuka bingana. Nusabe abumviriza gusubiramwo ivyiyumviro bimwebimwe vyibonekeje vyatanzwe n’abagize uruhara mw’Ishure ry’Ubusuku bwa Gitewokarasi ryo kuri uwo musi.

Ururirimbo rwa 6 (45) n’isengesho ryo gusozera.

Indwi Itangura ku wa 29 Nzero

Ururirimbo rwa 22 (130)

Imin. 10: Amatangazo y’iwanyu. Niwibutse abamamaji gutanga raporo y’umurimo wo mu ndimiro y’ukwezi kwa Nzero. Nuvuge ibisohokayandikiro vyo gushikiriza muri Ruhuhuma, mu gushira ahabona ibitabu ishengero rifise mu bubiko.

Imin. 15: Ivyabonywe mu Gutanga Inkuru z’Ubwami No. 36. Nubaze abamamaji batandukanye bigane ingaruka ziremesha bamaze kwinovora gushika ubu mw’igabanganywa ry’Inkuru z’Ubwami No. 36. Nusabe abatsimvyi basanzwe be n’abafasha baserure ugukenguruka bafise ku bw’ico gikorwa congerekanye kirangurwa muri iryo sekeza no ku bw’akaryo bafise ko gukorana n’abamamaji benshi batandukanye.

Imin. 20: “Bavyeyi—Nimwinjize mu Bana Banyu Utumenyero Kirumara.” Insiguro be n’ikiganiro co kubaza ibibazo abavyeyi bafise abana bariko baravyifatamwo neza mu buryo bw’impwemu. Abo bavyeyi baragaragaza ibintu vyiza bakoze kugira ngo batume abana babo bagira uruhara mu busuku bwo mu ndimiro. Nimba umwanya ubigukundiye, nushiremwo amagirenama ukuye mu gitabu Furaha ya Familia, urupapuro rwa 55-59.

Ururirimbo rw’19 (164) n’isengesho ryo gusozera.

Indwi Itangura ku wa 5 Ruhuhuma

Ururirimbo rw’8 (53)

Imin. 10: Amatangazo y’iwanyu n’Udukuru twa Gitewokarasi.

Imin. 15: “Nube Umukozi w’Umunyamunezero.”b Niwerekane icongereza umunezero wacu mu murimo w’Imana, nk’uko biboneka mu gitabu Étude perspicace, Imbumbe ya 2 urupapuro rwa 46 ingingo ya 3-5.

Imin. 20: Urashobora Kugira Ukwimara Ubute Kwiza. Umugwi w’umuryango urayaga ku kiganiro catanzwe muri Réveillez-vous! yo ku wa 22 Rusama 1997. Sebibondo arajwe ishinga n’ivyerekeye ivy’ugukurikirana ukwisamaza kw’umuryango. Bamaze kwihweza mu ncamake ikiganiro kivuga ngo: “Ni Igiki Cabaye ku vy’Ukwimara Ubute?” (urupapuro rwa 4-7), barashimika ku bwoko bw’ukwimara ubute bushobora kuba bwiza kandi bukazana akunguko. Nimwihweze amayagwa ari mu gitabu Notre ministère (Ubusuku Bwacu) urupapuro rw’131-132, munsi y’agatwe kavuga ngo “Ukwisamaza,” hamwe n’urupapuro rw’135-136 munsi y’agatwe kavuga ngo “Nimukore Vyose ngo Muninahaze Imana.” Nushimike ku ruhara rw’abavyeyi mu kuja imbere be no mu gukora ibikenewe ku bw’abagize umuryango kugira ngo basenyere ku mugozi umwe ku bw’inyungu y’urugo rwose.

Ururirimbo rw’7 (51) n’isengesho ryo gusozera.

[Utujambo tw’epfo]