Amakoraniro y’Umurimo Muri Rusama

Indwi Itangura ku wa 3 Rusama

Ururirimbo rw’7

Imin. 8: Amatangazo y’iwanyu. Amatangazo arobanuwe mu yo mu Gikorwa Dukorera Ubwami.

Imin. 17: “Niwigishe Abandi Ibibagirira Ikimazi.” Amajambo y’intangamarara ntarenze umunuta umwe, hanyuma hace hakurikira ikiganiro c’ibibazo n’inyishu. Ukoresheje ikigabane ca 13 c’igitabu Ubumenyi, utange uturorero twerekana ukuntu abantu bungukira mu buryo ngirakimazi ku kwiga, ku gutahura, no ku gushira mu ngiro ingingo za Bibiliya.

Imin. 20: “Uburyo bwo Kwagura Igikenurwa Cawe.” Abakurambere bashikirize ibiri muri ico kiganiro mu kwishura ibibazo bibajijwe n’abantu batandukanye bari mu bumviriza. Umwamamaji akiri umuyabaga, umugabo n’umugore bubakanye, hamwe n’umuvukanyi ageze mu myaka yo gukukuruka babaze ukuntu bashobora kwagura igikenurwa cabo. Baratanga impanuro ngirakimazi zivuye muri ico kiganiro no mu kigabane c’9 c’igitabu Huduma Yetu, bashimikire ku gatwe gatoyi kavuga ngo “Mu vy’Impwemu, Ufise Imigambi Iyihe ya Kazoza?,” urupapuro rw’116-118. Abo bamamaji bagaragaze ko bashimishijwe n’ayo mayagwa ngirakamaro cane Ishirahamwe ritanga yerekana ukuntu botegekanya ibintu kugira ngo bāgure umurimo bidatevye.

Ururirimbo rw’11 n’isengesho ryo gusozera.

Indwi Itangura ku wa 10 Rusama

Ururirimbo rw’15

Imin. 8: Amatangazo y’iwanyu. Raporo y’ivy’amakonte.

Imin. 12: Utegekanya Gukora Iki mu Gihe c’Uburuhuko? Umuryango umwe usubiremwo ivyo wategekanije kugira ngo bitabe iteraniro ry’intara, bakore ubutsimvyi bw’ugufasha, baje mu karuhuko, bongere bisamaze. (Raba Igikorwa Dukorera Ubwami co muri Rusama 1998, urupapuro rwa 3.) Baganire ukuntu botegekanya kandi bagashinga intahe akaryo kizanye, hanyuma bagire umwerekano w’ukuntu botanguza ikiganiro. Nushimike ku vy’uko bikenewe kubandanya kwigirira inyigisho ya Bibiliya no kugira inyigisho y’umuryango, kwitaba amakoraniro y’ishengero igihe umuntu aba yatembereye ahandi, no kurungika raporo y’umurimo wo mu ndimiro mw’ishengero akukira. Abagize uwo muryango baribuka ibintu vyiza biboneye mu kugendera ayandi mashengero be n’umunezero bagize. Bararimbura uburyo bashobora kugaragaza agatima ko kwakira abashitsi bose bagendeye ishengero.

Imin. 25: “Ya Materaniro y’Intara yo mu 1999 Yataziriwe ngo ‘Ijambo ry’Ubuhanuzi ry’Imana.’ ” (Ingingo y’1-16) Hakoreshwe ibibazo n’inyishu. Soma ingingo ya 6, 8, 11, n’iya 16. Nushimike ku gituma dukwiye kwitaba iryo teraniro ry’intara ryose, ushizemwo n’ibiringo vyaryo vyo ku wa Gatanu. Nushimike ku kamaro ko gukurikiza ubuyobozi duhabwa n’Ishirahamwe bwerekeye kwitekerera impamba kw’iteraniro imisi yose.

Ururirimbo rw’19 n’isengesho ryo gusozera.

Indwi Itangura ku wa 17 Rusama

Ururirimbo rwa 27

Imin. 10: Amatangazo y’iwanyu. Nimwihweze ikiganiro kigira giti: “Woba Uzovyitaba?”

Imin. 15: “Nutegekanye Ibintu Imbere y’Igihe!” Insiguro isubiramwo imirimo ya gitewokarasi yose itegekanijwe aho iwanyu mu mezi nk’angahe ari imbere. Nuremeshe umuntu wese kwandika ayo matariki ku kirangamisi cabo kandi ntibareke ibindi bintu ngo bibaciremwo.

Imin. 20: “Ya Materaniro y’Intara yo mu 1999 Yataziriwe ngo ‘Ijambo ry’Ubuhanuzi ry’Imana.’ ” (Ingingo ya 17-24) Hakoreshwe ibibazo n’inyishu. Musome ingingo ya 18-21. Nukoreshe ivyanditswe vyasubiwemwo hamwe n’ivyatanzwe gusa kugira ngo ushimike ku gituma inyambaro, ukwiryohora, hamwe n’inyifato ari ibintu bisaba ko tubibako maso.

Ururirimbo rwa 29 n’isengesho ryo gusozera.

Indwi Itangura ku wa 24 Rusama

Ururirimbo rwa 41

Imin. 15: Amatangazo y’iwanyu. Nusubiremwo ikete ry’Ishirahamwe ryo ku wa 15 Gitugutu 1998 rivuga ivyerekeye ya fomu (S-43) itaziriwe ngo, “Turagusavye Ukurikirane Abantu.” Nusigure ukuntu iyo fomu ishobora gufasha mu vy’ugukurikirana ugushimishwa kubonetse igihe dushinga intahe akaryo kizanye n’igihe tuganira n’abantu bavuga urundi rurimi. Nuremeshe abamamaji gukoresha neza izo fomu.

Imin. 12: Inyishu ku Bibazo Vyanyu. Insiguro ishikirizwa n’umukurambere.

Imin. 18: Twoba Turiko Turagira Uruhara mu Gikorwa co Gutandukanya Abantu? Insiguro ikabura ishikirizwa n’umucungezi w’umurimo, ishingiye ku Munara w’Inderetsi (mu Gifaransa) wo ku wa 1 Mukakaro 1997, urupapuro rwa 30-31.

Ururirimbo rwa 32 n’isengesho ryo gusozera.

Indwi Itangura ku wa 31 Rusama

Ururirimbo rwa 43

Imin. 15: Amatangazo y’iwanyu. Niwibutse bose gutanga amaraporo y’umurimo wo mu ndimiro wo muri Rusama. Nusubiremwo ibisohokayandikiro vyo gushikiriza muri Ruheshi. Igihe dushikiriza igitabu Ubumenyi, turashobora kugitangana n’igitabu ca kera c’impapuro 192 usanga birundanye mw’ishengero. Nimugire umwerekano ubigaragaza.

Imin. 15: “Amahera Ashigikira Igikorwa Cacu Aboneka Biciye ku Ntererano Zitangwa n’Abavyishakiye.” Umunyamabanga yihweze ikiganiro gishingiye ku mayagwa ari muri ka gatabu Les Témoins de Jéhovah—Unis pour faire la volonté de Dieu sur toute la terre ku rupapuro rwa 28. Nusome kandi ushimike kuri 2 Ab’i Korinto 8:12; 9:7. Nucishemwo yuko nk’uko bivugwa mu vyanditswe, umwe wese ashobora guterera nk’uko abigabiye mu mutima wiwe. Ni bibi gutuma hagira umuntu uwo ari we wese yumva ko agoberewe gutanga intererano. Ntivyoba bibereye gushira ibikemanyi canke ibindi bintu nk’ivyo mu Ngoro y’Ubwami hanyuma ugasaba abavukanyi kuza barashiramwo amahera uko barengana. Eka ntibinashingiye mu Vyanditswe gushiriraho umuntu n’umwe uko intererano yotanga yongana. Ishengero ryaba rikeneye amahera y’ukwubaka Ingoro y’Ubwami canke yo gukoresha ikindi kintu ico ari co cose, Ivyabona vya Yehova bakurikira ingingo zo muri Bibiliya hanyuma bagatanga ico bashoboye bavyishakiye kugira ngo bashigikire ugusenga gutyoroye. Bagira umunezero wo gutanga intererano bavyishakiye ata muntu abahase kandi ata na bumwe mu buryo bwinshi isi ikoresha mu gusoronganya amahera bakoresha. Nucishemwo yuko rimwe na rimwe bikenerwa gushinga ico ishengero rishobora kuriha ingurane yo kwubaka Ingoro y’Ubwami. Udupapuro tutanditsweko amazina turiko igitiri c’amahera twoba duhagije kugira ngo bamenye amahera yoboneka. Inyuma y’ivyo, abakurambere ntibashira umukazo ku muntu n’umwe ngo arihe ico ashobora kuba yarasezeranye. Ibintu birahinduka kandi vyongeye abavukanyi baranezerwa no gukora ico bashoboye. Raba inyongera iri mu Gikorwa Dukorera Ubwami (mu Congereza) co muri Ruheshi 1976, ifise agatwe gatoyi kavuga ngo “Ugutanga Amahera y’Ingoro y’Ubwami.” Raba kandi igitabu Tumefanywa Tengenezo Tutimize Huduma Yetu urupapuro rw’121 na 122.

Imin. 15: Ikibi c’Idini Ryanje Ni Igiki? Ikiganiro hagati y’abakozi b’ishengero babiri. Turahura n’abantu benshi bakira ukuri kandi bagashima Ivyabona vya Yehova. Ariko rero, ubucuti baguma bafitaniye n’idini ryabo burabatangira. Basanga bibagoye kwemera ko idini turimwo ari ryo rimwe risa ry’ukuri kandi ko ugusenga kwabo ari ukw’ikinyoma. Ivyo bica bicika intambamyi nyamukuru mu vy’iterambere ryabo ryo mu vy’impwemu. Abo bavukanyi basubiremwo ibintu bitandatu biri ku rupapuro rw’183-184 mu gitabu Kutoa Sababu, bigaragaza mu buryo butomotse yuko ayandi madini adakurikiza Bibiliya. Nuremeshe abumviriza gukoresha ivyo vyiyumviro mu gufasha n’ubugenge abantu b’imitima nzirabugunge kwihweza inyigisho zo mw’idini barimwo.

Ururirimbo rwa 50 n’isengesho ryo gusozera.