Hao, Jesus Hem Wanfala Gud Man Nomoa?

Ansa from Bible

Jesus hem no just wanfala gud man. Hem man wea wat hem duim and teachim affectim laef blo staka pipol. Lukim wat olketa famous historian and raeta hia talem abaotem hem:

“Jesus blo Nazareth . . . hem wanfala famous man lo history.”—H. G. Wells, English historian.

“Jesus hem man wea influencim laef blo staka pipol lo earth and wat hem duim gohed for affectim pipol distaem.”—Kenneth Scott Latourette, American historian and author.

Bible storyim why Jesus helpem laef blo staka pipol winim eni nara gud man wea laef lo earth. Taem Jesus askem wanfala lo olketa aposol blo hem abaotem hu nao hem, wanfala lo olketa ansa stret olsem: “Iu nao datfala Christ, Son blo datfala God wea laef.”—Matthew 16:16.