Markem Taem for God

Laef blo iu bae hem impruv taem iu markem taem for lane abaotem God and fren witim hem. Taem iu duim datwan, hem showim iu kea for spiritual need blo iu. Lukim wat Jesus talem abaotem disfala topic.

Wat Jesus talem

“Olketa wea luksavve olketa needim God, olketa hapi.”—Matthew 5:3.

• Iumi evriwan laek for savve lo ansa for olketa kwestin olsem: Iumi laef for wat nomoa ia? Why nao staka pipol safa tumas? Wat nao happen lo pipol taem olketa dae? Iumi savve hapi if iumi faendem ansa for olketa kwestin hia.

“Man hem mas laef, no lo bred nomoa, bat lo evri toktok wea kamaot from mouth blo Jehovaha.”—Matthew 4:4.

• Lo sem wei wea iumi needim physical food, iumi needim tu spiritual food. Jesus talem klia dat iumi need for depend lo God for iumi satisfaem spiritual need blo iumi.

“Word blo iu hem truth.”—John 17:17.

• Jesus talem dat main wei wea God satisfaem spiritual need blo iumi, hem thru lo Word blo hem, Bible.

Mifala encouragem iu for faendem lasting happiness lo wei for markem taem for lane abaotem God and satisfaem spiritual need blo iu. Diswan hem samfala provision wea savve helpem iu:

• Readim Bible hem free of charge.

• Requestim wanfala free interactive Bible study course witim instructor.