Help for Pipol wea Blind
Olketa expert estimatem dat raonem world 43 million pipol blind and 295 million garem low vision.a Sorre samting, samfala pipol treatim nogud staka lo olketa hia wea blind and garem low vision.
Hao nao God feel abaotem pipol wea blind? Wat nao Bible talem abaotem olketa? And wat nao Olketa Jehovah’s Witness duim distaem for helpem olketa?
Hao God feel abaotem pipol wea blind
Bible talem dat Jehovahb barava kea for pipol wea blind. Hem laekem for pipol treatim olketa hia fair and for benefit from education hem provaedem. And tu, hem givim olketa nambawan hope for future.
Scripture: “Eniwan wea mekem blind man for go followim rong road, bae hem kasem trabol.”—Deuteronomy 27:18.
Mining: Lo taem blo olketa Israelite, Law wea God givim for pipol blo hem protectim pipol wea blind for pipol no treatim olketa nogud.
Scripture: “God hem no fevarem eniwan.”—Acts 10:34.
Mining: God tinghae lo pipol wea blind olsem hem tinghae lo pipol wea no blind.
Scripture: Jesus “mekem staka pipol wea blind for lukluk moa.”—Luke 7:21.
Mining: Wei wea Jesus mekem samfala pipol wea blind for lukluk moa taem hem stap lo earth, hem showim wat Kingdom blo God bae accomplishim lo future.
Scripture: “Eye blo olketa wea blind bae open.”—Isaiah 35:5.
Mining: Jehovah promis dat klosap nao, taem wea Kingdom blo God rulim earth, pipol wea blind bae lukluk moa.
Wat Olketa Jehovah’s Witness duim for help
Raonem world, mifala Olketa Jehovah’s Witness sharem message blo God abaotem hope witim pipol wea blind. Hao nao mifala accomplishim diswan?
Mifala producem Bible, olketa Bible study pablikeson, and olketa video lo olketa didifren format wea isi for olketa wea blind and garem low vision for accessim includim braille, large print, and audio.
Mifala evritaem garem olketa Christian meeting wea hem open for evriwan, includim olketa wea blind.
Mifala offerim interactive Bible study course lo evriwan witim help blo wanfala Bible study instructor.c
Mifala mekem evri samting hia available without charge. Why? Bikos Jesus talem disfala komand: “Iufala kasem free, givim free nomoa.”—Matthew 10:8.
Olketa Jehovah’s Witness barava kea for pipol wea blind. Olketa wea laek for worshipim God witim mifala bae faendem olketa gud and helpful frens. Lukim story blo samfala Jehovah’s Witness wea blind.
Talita Alnashi, lo Sweden, hem garem low vision since hem born. Lanem hao parents blo hem teachim hem abaotem Bible and hao hem and famili blo hem experiencem love and sapot from frens blo olketa.
James Ryan, lo United States, hem born deaf and bihaen hem kamap blind. Faendaot wat nao mekem hem hapi and garem gud laef.
Cynthia Pablo, lo Philippines, hem deaf and blind. Wat nao olketa brata and sista duim for sapotim hem during datfala challenging taem blo COVID-19 pandemic? Faendaot story blo hem lo article “Congregation Supports Deaf and Blind Sister During Pandemic.”
Olketa wat Bible education resources nao mifala provaedem?
Olketa braille pablikeson. Mifala pablisim full Bible or samfala part blo hem lo braille edition lo staka languis. (For lukim list blo olketa languis, lukim box “Niu World Transleison Bible lo Braille.”) Mifala producem tu olketa braille edition lo staka Bible pablikeson blo mifala. For olketa wea laek for lanem braille, mifala pablisim wanfala buk wea title blo hem Learn to Read Braille. Olketa designim disfala buk for helpem samwan wea blind for lane for readim braille witim help blo person wea savve lukluk.
Story witim wanfala Jehovah’s Witness for kasem hard copy blo olketa braille pablikeson or requestim wanfala witness for visitim iu.
Iu savve daonlodim files for notetaker devices lo jw.org.d
Olketa large print pablikeson and magnified digital content. Olketa large print edition blo staka pablikeson blo mifala olketa available for olketa wea garem low vision. Olketa designim website blo mifala mekem even taem iu zoom in, hem displayim correctly information wea iu laekem. And tu, JW Library app hem allowim for iu savve adjustim text size blo wanfala pablikeson.
Story witim wanfala Jehovah’s Witness for kasem large print pablikeson or requestim wanfala witness for visitim iu.
Iu savve daonlodim olketa digital large print pablikeson wea hem luk semsem tu olsem hard copy.
Audio pablikeson. Mifala producem audio recording blo Niu World Transleison Bible lo winim 200 languis. And tu, mifala mekem audio recording lo staka Bible pablikeson blo mifala. Staka taem olketa recording hia includim tu description blo olketa piksa.
Stream or daonlodim audio lo jw.org and lo JW Library app.
Iu savve daonlodim olketa files for reading systems, olsem screen readers and digital talking book players lo jw.org.e
Videos wea garem audio description.f Olketa Jehovah’s Witness producem olketa Bible video wea garem audio description lo winim 100 languis. Olketa video hia helpem pipol for understandim and applyim olketa practical advaes lo Bible.
Iu savve herem samfala example blo audio description lo olketa video series hia:
Meetings and events. Mifala garem olketa kongregeson evriwea lo world wea mifala savve meet each week for lane and worship. Mifala savve organizem tu olketa big event for Bible education each year. Lo olketa event blo mifala wea garem olketa video presentation, mifala trae for mekem hem possible for pipol wea needim audio for herem audio description. Samfala taem lo olketa meeting and events blo mifala, mifala duim tactile interpreting [hem taem wanfala person duim saen languis lo hand blo person wea deaf or blind mekem hem understandim wat olketa talem] for helpem olketa wea blind and deaf. Mifala welkamim evriwan and no discriminatim eniwan.
Faendem kongregeson meeting wea klosap lo iu.
Lanem samfala samting moa abaotem olketa annual convention blo mifala.
Attendim Memorial lo dae blo Jesus, hem most important event blo mifala lo year.
José Luis Ayala hem stap lo Mexico. Hem born deaf and hem blind taem hem 29 years. Lane abaotem hao olketa meeting blo mifala barava helpem hem and hao olketa helpem hem for kamap wanfala effective Bible teacher.
a Person wea garem “low vision” hem garem vision problem wea no isi for stretem and wea affectim olketa daily activities blo hem. Lo disfala article, “blind” hem includim olketa wea barava blind and olketa wea garem low vision.
b Jehovah hem personal nem blo God. (Psalm 83:18) Lukim article “Hu Nao Jehovah?”
c Iu savve requestim wanfala free Bible study course.
d Notetaker hem portable electronic device wea garem refreshable braille display, wanfala computer-generated voice, or tufala evriwan. Refreshable display hem operate lo wei for apim and daonem olketa pins for creatim braille characters. Taem person garem notetaker, hem bae no need for garem staka braille embossed hard copy.
e Screen reader and digital talking book players hem readim laod text, maet hem iusim computer-generated voice or prerecorded audio. Olketa technology hia allowim users for navigate go lo specific part blo pablikeson.
f Audio descriptions hem olketa toktok wea olketa addim lo video for explainim wat happen lo screen.