Oweruza

14 Patsogolo pake Samisoni adayenda ku Timuna ndipo kumuko adawona nkazi wa dzinza ya Afilisiti. 2 Pamwapo adauza ababa wake na amayi wake kuti: “Nawona nkazi wa dzinza ya Afilisiti wokhuza ku Timuna, manje mukanitengere kuti akhale nkazi wangu.” 3 Koma ababa na amayi wake mwawo adamubvunza kuti: “Ko ungagumanelini nkazi pakati pa abale wako panango pakati pa wanthu wose wa ntundu wathu? Shuwa mpakana ukatenge nkazi kwa Afilisiti osachitiwa m’dulidwe? Koma Samisoni adauza ababa wake kuti: “Ndoyendani mukanitengere nkazi moyu, ndawa ndiye wabwino kwa inepano.* 4 Ababa na amayi wake mwawa alibe kudziwa kuti Yahova ndiye yemwe ambachitisa vimwevi, ndawa iye* ambafagafaga mpata kuti alange Afilisiti omwe ambatonga Izirayeli pa nthawe mweyi.

5 Pamwapo Samisoni adayenda ku Timuna pabodzi na ababa na amayi wake. Padafika m’maminda ya uva ya ku Timuna, adagumana na mphondolo ndipo iyo idayamba kubangula. 6 Manje mzimu wa Yahova udamupasa mphanvu, mwakuti adakhwadzula mphondolo mweyo pakati ninge momwe munthu angakhwadzulire kamwana ka mbuzi na manja. Koma alibe kuuza ababa wake panango amayi wake vomwe adachita ivi. 7 Samisoni adayenda kwa nkazi ule nkuyankhula naye ndipo ambapitiriza kuwona kuti nkazi muyo ni wabwino.

8 Paidapita nthawe, Samisoni adabwerera kwa nkazi muyo kuti akamutenge kuyenda naye kumuyi kwawo. Ali munjira adapatuka kuti akawone mphondolo yomwe adapha ire. Padafika adagumana kuti nkati mwa mphondolo yakufa mweyo muli nyuchi na uchi. 9 Manje adatenga uchi muyo m’manja kumbadya ankufamba. Padagumana pomwe na ababa wake na amayi wake, adawapasambo uchi muyo kuti nawombo adye. Koma alibe kuwauza kuti uchi muyo wautenga nkati mwa mphondolo yakufa.

10 Ababa wake adayenda kwa nkazi ule, ndipo Samisoni adakonza phwando kumuko, ndawa vimwevi ndivo vomwe alumbwana ambachita. 11 Wanthu wa kumuko padamuwona, adamubweresera alumbwana 30 kuti ambakhale naye ninge anzake wa mwamuna yemwe ankulowola. 12 Patsogolo pake Samisoni adawauza kuti: “Ninkufuna nikuuzeni chirapi. Mukaniuza tanthauzo yake kwa ntsiku 7 za phwando mweyi, nidzakupaseni malaya 30 na vovala vinango 30. 13 Koma mukakangira kuniuza tanthauzo yake, imwepo mudzanipase malaya 30 na vovala vinango 30.” Padateno, iwo adamuuza kuti: “Nena tibve chirapi chako.” 14 Pamwapo iye adati:

Iwo adakangira kutsumbudzulira chirapi mwechi kwa ntsiku zitatu. 15 Pa ntsiku ya 4 adauza nkazi wa Samisoni kuti: “Umunyengerere mwamuna wako kuti atiuze tanthauzo ya chirapi mwechi. Akaleka kutiuza, tikushoke na moto pabodzi na wanthu wa m’nyumba ya ababa wako. Ko imwepo mwatichemera kuti mudzatitengere vinthu vathu?” 16 Pamwapo nkazi wa Samisoni adayamba kulirira mwamuna wake, nkumbamuuza kuti: “Iwe unizonda ndipo unikondalini. Wauza wanthu wa ntundu wangu chirapi, koma ine ulibe kuniuza tanthauzo yake.” Padateno adamuuza kuti: “Olo ababa wangu panango amayi wangu niribe kuwauza. Manje iwepo nikuuze ndawa chani?” 17 Koma nkazi muyo adapitiriza kulirira Samisoni mpakana pa ntsiku ya 7 ya phwando mweyo. Pomalizira pake, pa ntsiku ya 7, Samisoni adauza nkazi muyo tanthauzo yake ndawa adamungingimira. Pamwapo nkazi muyo adauza wanthu wa ntundu wake tanthauzo ya chirapi mwecho. 18 Manje pa ntsiku ya 7, dzuwa ikalibe yachoma,* amuna wa muthaundi mweyo adamuuza kuti:

Iye adawadawira kuti:

19 Manje mzimu wa Yahova udamupasa mphanvu. Pamwapo adayenda ku Asikeloni nkukapha amuna 30 wa kumuko, ndipo adatenga vovala vawo nkuvipereka kwa wanthu omwe adatsumbudzulira chirapi wale. Iye wenze wokalipa maninge pomwe ambabwerera kumuyi kwa ababa wake.

20 Patsogolo pake nkazi wa Samisoni adaperekewa kuti alowodwe na m’bodzi mwa alumbwana omwe ambakhala pabodzi na Samisoni ninge anzake wa mwamuna yemwe ankulowola.