Yelemiya

45 Eji mbimbi profete Yelemiya wawambelele Baruke mun’a Neliya, tangua diakhalele muene musonega gu mukanda mbimbi eji jiakhalele gumuwambela Yelemiya, mu givo gia nguana gia uhinyinyi wa Yoyakime mun’a Yoziase fumu wa Yuda, wazuelele egi:

2 “Yehowa Nzambi wa Isalele wazuela mukunda nu aye Baruke egi, 3 ‘aye wazuedi egi: “Lamba diami, malamba angubalegela! Handaga Yehowa wangulunda lamba holu dia lamba! Ngushigo nga nu fundo dimoshi dia guhululuga.”’

4 “Udi naye gumuwambela egi, ‘Yehowa wazuela egi: “Tala! Ngudi mumuanga ima ngatungile, ngudi muvuza ima ngakunyile. Mbangutshita ndaga yene mu gifutshi giagasue. 5 Uvi aye, udi mukamba* ima yakoma mukunda nu aye. Bemba gukamba ima yene.”’

“‘Handaga mbangubatela athu agasue malamba, uvi aye mbanguguhuluisa fundo diagasue mbawuya,’ Yehowa wazuela.”