MAGMALIW YA EPEKTIBO ED MINISTERYO

Pangibunog na Imbitasyon Parad Kombension

Sakey ya Tasi nen Jehova ya akaalagey ed abay na cart parad public witnessing tan pupulongan to so sakey a laki

Kada taon, tatalaranan tayo so espiritual a piesta ya panliliketan tayo ed saray regional a kombension. Pian natawayan met na arum so kamaongan nen Jehova, imbitaan tayon onatendi so dakel a totoo anggad posible. (Sal 34:8) Say ulop na mamatatken so manplano no panon a sankaabigan ya nausar iray imbitasyon.

SARAY NONOTEN

Kapigan so kombension mi?
Kapigan onggapo ya manbunog so kongregasyon mi?
Kapigan nagawa iray pantitipon parad lawak na kimeyan diad kongregasyon mi?
Anto ray planok ya gawaen ed sayan pangibunog?
Siopa ray imbitaan ko?

ANTOY IBAGA?

Imbitasyon Parad 2016 ya Regional a Kombension

Kayari pangibano, nayarin ibagan:

“Kaiba kamin mangibubunog ed sayan imbitasyon diad interon mundo. Importante iyan nagawa. Nabasad sayan imbitasyon so agew, oras, tan no iner iya nagawa. Komon ta makaonla kayo.”

PANON YA NABAYUBOAN SO INTERES?

magasin ya Onliing!, No. 2 2016 | Kasin Marakep Labat a Libro so Biblia?

Anggaman labay tayon imbitaan so dakel a totoo anggad posible, nepeg tayon imanoen no siopa ray angipanengneng na interes pian napawil tayo ra.

Diad Sabado tan Simba, sarag yon iyopresi so magasin a kaiba na imbitasyon.