Kampanyan Walaay Maabig ya Resulta

Taloy simba antis na kombension, mibiang lamet iray kongregasyon ed kampanyan pangimbita ed saray interesado. Anggano kaukolan ya manbiahe iray interesado pian makaatendid kombension, wala kasi maabig ya resulta na kampanya?

Kayari na agano nin distriton kombension, nansulat so sakey ya bii ed sakey ya branch office nipaakar ed imbitasyon ya intilak ed puerta ra. Kada no ontoktok iray Tasi ed abung da, iyaamotan to ra. Insulat to: “Balibali abung mi, maomaong so asawak, tan abalang ko et wala lad siak so amin pian magmaliw ya maliket. Balet siansia nin agak maliket, tan anggapoy direksion na bilay ko. Kanian nan-drive ak na 320 kilometro pian makaatendid programa ed Sabado.” Agustoan toy kombension kanian tinawagan toy asawa to pian manpatanir ya onaatendi ni anggad Simba. “Dinengel koy amin ya paliwawa, dakel so akabat kon Tasi nen Jehova, tan agkon balot labay iyan manampot.” Nen sinmempet la, nampaiyaral na Biblia tan kayari apat bulan, nagmaliw ya agbautismadon manangipalapag. “Maong labat ta walay angitilak na imbitasyon ed puerta mi, ta natan talagan wala lay gagala na bilay ko!”

Onatendi so arum ed saray naimbitaan. Kanian, komon ta maseseg tayon mibiang ed sayan importantin kampanya. Awit yo ray akeran imbitasyon diad syudad ya pankombensionan pian nausar yo ed impormal ya panagtasi.

[Litrato ed pahina 5]

Panon so Pangimbita?

Nayarin oniay ibaga tayo: “Hi. Kaiba kamid saray mangibubunog ed sayan imbitasyon diad interon mundo. Niay kopya yo. Saray impormasyon et nabasa yod sayan imbitasyon.” Mansalitan mabilabilay. No mangibubunog diad weekend, kaukolan met ya iyopresi iray magasin no matukoy.