Eskedyul ed Simba na Agosto 10
SIMBA NA AGOSTO 10
Kanta 135 tan Pikakasi
Panagaral na Kongregasyon ed Biblia:
re kap. 30 ¶8-16 (30 min.)
Teokratikon Eskuelaan Parad Ministeryo:
Babasaen ed Biblia: 1 Arari 21-22 (8 min.)
No. 1: 1 Arari 22:13-23 (3 min. o mas antikey)
No. 2: Panon Kan Onapit ed Dios?—nwt-E p. 32 ¶1-4 (5 min.)
No. 3: Delila—Tema: Say Aro ed Kuarta et Nayarin Manresultad Pantraidor—it-1-E p. 608-609 (5 min.)
Pantitipon Parad Panagserbi:
Tema ed Sayan Bulan: No parad “siak tan say abung ko, manlingkor kami ed si Jehova.”—Jos. 24:15.
10 min: “No Parad ‘Siak tan say Abung Ko, Manlingkor Kami ed si Jehova.’” Paliwawa base ed tema ed sayan bulan. Basaen tan iyaplika so Deuteronomio 6:6, 7; Josue 24:15; tan Uliran 22:6. Idanet ya diad panlingkor ed Jehova, saray asawan lalaki so nepeg ya mangidaulod asawa tan ananak da. Ipabitar iray intarya na organisasyon pian natulongan iray pamilya. Bitlaen so pigaran parte ed Pantitipon Parad Panagserbi, tan no panon irayan mikonektaan ed tema ed sayan bulan.
20 min: “Paaligwasen Iray Abilidad Tayod Ministeryo—Ipasal Iray Balon Manangipalapag.” Paliwawa na manangasikaso na serbisyo a mankomentoy dumerengel. Tepetan iray dumerengel no panon ya niyaplika na atateng iray prinsipyon abitlad artikulo pian natulongan da ray ananak da ya onaligwas. Mangilaktip na demostrasyon ya mangipaparaan na presentasyon so ama kaibay anak to.
Kanta 93 tan Pikakasi