Eskedyul ed Simba na Mayo 12

Kanta 125 tan Pikakasi

Panagaral na Kongregasyon ed Biblia:

re kap. 10 ¶1-7 (30 min.)

Teokratikon Eskuelaan Parad Ministeryo:

Babasaen ed Biblia: Exodo 27-29 (10 min.)

No. 1: Exodo 29:19-30 (4 min. o mas antikey)

No. 2: Agpinankadua nen Jesus so Mosaikon Ganggan ed “Seremonyal” tan “Moral” a Paraan​—rs-E p. 347 ¶3–p. 348 ¶1 (5 min.)

No. 3: Abraham​—Saray Kualidad a Katutulok, Panagsakripisyo, tan Inkakpel et Makapaliket ed si Jehova—​it-1-E p. 29 ¶4-7 (5 min.)

Pantitipon Parad Panagserbi:

Kanta 75

15 min: Saray Amin a Nasyon Onagus Ira Ditan. (Isa. 2:2) Interbyuen so duaran manangipalapag, sakey ya abayag lad katuaan tan sakey a balo ni. Akin et nagmaliw iran interesadod katuaan? Anto ran subok so atalonaan da? Antoy akapaseseg ed sikara diad unonan inyatendi dad aral? Antoy nanonotan dad unonan impibiang dad ministeryo? Panon iran atulongan na agagid kongregasyon pian onaligwas ed espiritual?

15 min: “Paaligwasen Iray Abilidad Tayod Ministeryo​—Pamparaan na Introduksion.” Paliwawa a mankomentoy dumerengel. Mangipanengneng na antikey a demostrasyon a walay duaran parte. Diad unona et ag-imparaan a maong so introduksion insan diad komadua et talagan imparaan. No wala ni oras, ilaktip iray matukoy a punto diad pahina 215 anggad 219 na libron Eskuelaan Parad Ministeryo.

Kanta 117 tan Pikakasi