No Anto so Ibaga Nipaakar ed Saray Magasin

Say Panag-bantayan Hul.-Set.

“Diad padesir yo, posible kasin makaapit so too ed Makapanyarin-amin a Dios? [Abuloyan ya onebat. Insan basaen so Gawa 17:27.] Sisingbaten na sayan artikulo no akin a segurado itayo a labay na Dios ya onapit itayo ed sikato.” Iparungtal so artikulo ya onggapo ed pahina 10.

Awake! Hul.

“Maslak a panligliwaan natan et pakapatnagan na onlalaknab ya interes ed espiritismo. Diad padesir yo, aliwa kasin mapeligro so pibali ed satan? [Abuloyan ya onebat. Insan basaen so Deuteronomio 18:10-12.] Ipapanengneng na sayan artikulo no antoy ibabaga na Biblia nipaakar ed saray kapeligroan na espiritismo.” Iparungtal so artikulo ya onggapo ed pahina 10.

The Watchtower Aug. 1

“Saray seryoson problema nipaakar ed kaliberliber so sengegan no akin a dakel so magmamaliw a negatibo nipaakar ed pansumpalan na dalin diad arapen. Antoy nikuan yo ed saya ey? [Abuloyan ya onebat. Insan basaen so Salmo 37:11.] Ipapabitar na sayan magasin so pigaran Makasulatan a rason parad pagmaliw positibo.”

Awake! Ago.

“Dakel so kombinsido a say global warming so mamepeligro ed bilay diad planeta tayo. Diad padesir yo, panon kasin naresolbe iyan problema? [Abuloyan ya onebat. Insan basaen so Isaias 11:9.] Ipapaliwawa na sayan magasin a seguradon mansiansia iyan dalin bilang ayaman na totoo.”