No Anto so Ibaga Nipaakar ed Saray Magasin

Say Panag-bantayan Ago. 15

“Labay min naamtaan so opinyon yo nipaakar ed sayan imbaga nen Jesus. [Basaen so Mateo 5:5.] Sano nagawa la iyan sipan, pareho ni kasi iray kipapasen diad dalin a singa natan? [Abuloyan ya onebat.] Ipapabitar na sayan magasin unong ed Biblia no panon ya umanen nen Jesus so kipapasen diad dalin. Isalaysay met na saya no sioparay manawir ed dalin.”

Awake! Ago.

“Antoy nikuan yo, nanengneng tayo lamet kasi iray inaatey lan inad-aro tayo ed bilay? [Abuloyan ya onebat.] Imanoen pa iyan insipan nen Jesus nipaakar ed saray inaatey. [Basaen so Juan 5:28, 29.] Isasalaysay na sayan artikulo unong ed Biblia no anto so nagawa ed sikatayo sano ompatey itayo.” Ipanengneng so artikulo ya onggapo ed pahina 28.

Say Panag-bantayan Set. 1

“Dakel a totoo natan so agla interesado ed relihyon. Antoy nikuan yo, magmaliw kasin magmaong a too so sakey a too no sikatoy relihyoso? [Abuloyan ya onebat.] Imanoen pa iyan impasakbay na Biblia no anto so aanapen na totoo ed sakey a relihyon diad sarayan kaunoran ya agew. [Basaen so 2 Timoteo 4:3, 4.] Isalaysay na sayan magasin no panon a say tuan panagdayew et kigalangan na Dios tan pakagunggonaan tayo.”

Awake! Set.

“Maniisip so dakel a totoo no kasin say panisia ed Dios et mitukoyan ed siensia. Anto so nikuan yo? [Abuloyan ya onebat. Insan basaen so Hebreos 3:4.] Sayan espisyal a paway na Awake! so mangusisa ed ebidensya ya akakombinsian na pigaran sientista pian manisia ed Manamalsa.”