No Anto so Ibaga Nipaakar ed Saray Magasin

The Watchtower Hun. 1

“Diad padesir yo, amin kasin relihyon et abobonan na Dios? [Abuloyan ya onebat.] Imanoen pay inkiwas na Dios sanen inalig na Israel nensaman iray relihyoson kagagawa na saray nasyon ya akapaliber ed sikara. [Basaen so Ezequiel 6:6.] Eebatan na sayan artikulo so tepet a, ‘Kasin Importante No Panon so Pandayew Tayo ed Dios?’” Iparungtal so artikulo ya onggapo ed pahina 9.

Awake! Hun.

“Seguradon onabobon kayo a say inka-tinedyer et nagkalautlan mairap parad saray kalangweran ontan met ed atateng da. Diad padesir yo, say panumbok kasi ed sayan simbawa et makatulong ed panangasikaso na ateng? [Basaen so Santiago 1:19. Insan abuloyan ya onebat.] Seguradon nagustoan yo so praktikal tan nibase ed Biblia iran suhestion ed sayan magasin.”

Say Panag-bantayan Hul.-Sep.

“Amin tayo so makakasagmak na pirmin ermen ed impatey na saray inad-aro. Diad satan a panaon, diad padesir yo makatulong kasi so Biblia? [Abuloyan ya onebat. Insan basaen so Salmo 55:22.] Sisingbaten na sayan magasin so pigaran praktikal a tulong na Biblia pian natalonaan so pirmin ermen.”

Awake! Hul.

“Ompapalalo so desdes ed saray sanasawa, tan dakel a sanasawa so mandidiborsyo. Diad padesir yo, no tumboken iyan simbawa, makatulong kasi ed iyaligwas na panamaley? [Basaen so Uliran 12:18. Insan abuloyan ya onebat.] Sisingbaten na sayan magasin so arum iran prinsipyo na Biblia a makatulong ed saray sanasawa pian onelet so relasyon da.”