No Anto so Ibaga Nipaakar ed Saray Magasin

Say Panag-bantayan Abril-Hunyo

“Papanisiaan na arum a totoo a nigeter la na kapalaran so arapen tayo. Saray arum balet et panisiaan dan sikatayoy manggagaway kapalaran tayo. Antoy nikuan yo? [Abuloyan ya onebat.] Imanoen pa iyan balibalin teksto. [Basaen so Deuteronomio 22:8.] Iter ni kasi na Dios iyan ganggan no nigeter lay kapalaran tayo? Ipapaliwawa na sayan artikulo so ebat na Biblia ed tepet a ‘Wala kasi nigeter a kapalaran tayo?’” Ipanengneng so artikulon walad pahina 26.

Awake! Abril

“Dakel a sanasawa so mandidiborsyo lapud ag-inkamatoor. Diad padesir yo, napansiansia kasi panamaley no iyaplika iyan teksto? [Basaen so Mateo 5:28. Insan abuloyan ya onebat.] Inusar na sayan artikulo so Biblia pian natulongan iray sanasawa a napaliisay tukson agmanmatoor.” Ipanengneng so artikulon walad pahina 28.

The Watchtower Mayo 1

Diad padesir yo, akin kasi et agpanisiaan na arum a totoo a walay Dios? [Abuloyan ya onebat.] Unong ed sayan teksto, kaukolan so pananisia. [Basaen so Hebreos 11:6.] Ipapaliwawa na sayan magasin so apatiran paraan a napabiskeg tayoy pananisia tayo.”

Awake! Mayo

Ondarakel iray totoo ya aliwan dugay panangusar da ed saray inrisitan tambal. Anto kasi rason? [Abuloyan ya onebat.] Ipapanengneng na Biblia so sakey ya manunan rason, nagkalalo la ed saray ananak. [Basaen so Uliran 13:20.] Sayan magasin so mangipaliwawa no panon yon nasalimbengay inkasikayo tan say pamilya yo ed sayan kasmak a problema.”