Eskedyul ed Pantitipon Parad Panagserbi

Simba na Hunyo 9

Kanta 121

10 min: Lokal iran pakabat. Idemostra no panon ya iyopresi so Hunyo 1 a Watchtower tan Hunyo ya Awake! ya usaren iray suhestion a walad pahina 4 odino arum niran presentasyon a matukoy ed teritorya yo.

20 min: No Panon so Pamparaan ed Panangiyaral na Biblia. Paliwawa a nibase ed Agosto 2004 a Ministeryo Tayo ed Panarian, pahina 1. Diad sampot na tongtongan, mangiparungtal na demostrasyon a say sakey a manangipalapag et manapurastan manpaparaan parad pangikondukta na panagaral na Biblia. Insan say sananey a manangipalapag so manpaparaan a maong diad pangikokonsidera to ed pigaran suhestion a niparungtal ed Ministeryo Tayo ed Panarian.

15 min: “Ag-ontutundan Manpulong.”a No wala ni oras, pakomentoan ed saray dumerengel so nisitas iran teksto.

Kanta 201

Simba na Hunyo 16

Kanta 90

10 min: Lokal iran pakabat. Pinili Iran Pakabat manlapud Ministeryo Tayo ed Panarian. Panonotan iray dumerengel ya awiten da so Hulyo-Setyembre a Panag-Bantayan tan Hulyo ya Awake! no ontumbok a Pantitipon Parad Panagserbi tan manparaan parad paningbat ed matukoy iran presentasyon a plano ran usaren.

15 min: Ipabitar so Praktikal a Kablian na Maong a Balita. Paliwawa tan singbaten a mibiang iray dumerengel a nibase ed libron Eskuelaan Parad Ministeryo, pahina 158, parapo 4, anggad pahina 159. Pakomentoan ed saray dumerengel iray isyu a peles a pakapapagaan diad teritorya. Kerewen iray suhestion no panon tayon ikdan na imano iratan a pamaakaran diad presentasyon tayo.

20 min: “Kasin Manpaparaan so Pamilya Yo Parad Kililiktar?”b No wala ni oras, pakomentoan ed saray dumerengel iray nisitas a teksto.

Kanta 54

Simba na Hunyo 23

Kanta 140

10 min: Lokal iran pakabat. Basaen iray report na kuenta tan sulat nipaakar ed naawat a donasyon. Salambiten so opresin literatura parad Hulyo tan mangipademostra na sakey a presentasyon.

20 min: Makabkabaliksan a Bilay Panamegley na Panagregular Payunir. Paliwawa a nibase ed Enero 15, 2008, a Panag-Bantayan, pahina 17-19. No wala, manginterbio na duaran regular payunir, say sakey et balo ni tan say sakey et abayag la. Paisalaysay ed sikara no panon a say bilay da so nagmaliw a makabkabaliksan lapud sayan alay abig a nengneng na panaglingkor.

15 min: Manparaan ed Pangiyopresi ed Peles Iran Magasin. Singbaten a kaiba iray dumerengel. Kayari antikey a panrepaso ed Hulyo-Setyembre a Panag-Bantayan tan Hulyo ya Awake! tepetan iray dumerengel no dinan iran artikulo so makapasagyat ed totoo ed lokal a teritorya tan akin. Kerewen ed saray dumerengel a mamitla na saray espisipikon punto ed artikulo ya iisipen dan iparungtal. Anto so nayarin itepet pian nigapoy tongtongan? Dinan a teksto ed artikulo so nayarin basaen? Ipademostra no panon ya iyopresi so kada magasin diad pangusar ed saray pangaligan a presentasyon manlapud Ministeryo Tayo ed Panarian odino sakey a presentasyon ya insuheri na agagi.

Kanta 82

Simba na Hunyo 30

Kanta 97

10 min: Lokal iran pakabat. Panonotan so amin ya iter da la iray report da ed lawak na serbisyo parad Hunyo.

20 min: No Panon Tayon Napaaligwas Iray Dunong Tayo ed Pitotongtong. Paliwawa tan singbaten a kaiba iray dumerengel a nibase ed libron Eskuelaan Parad Ministeryo, manlapud pahina 62, parapo 4, anggad sampot na pahina 64. Iyaplika so impormasyon ed lokal a teritorya. Interbioen a magano so sakey a manangipalapag a maabilidad a managyat ed totoo a mitongtong sano mankakabkaabungan odino mantatasi ya impormal.

15 min: Kasin Nanonotan Yo? Singbaten a kaiba iray dumerengel a nibase ed Abril 15, 2008 a Panag-Bantayan, pahina 29.

Kanta 179

Simba na Hulyo 7

Kanta 125

10 min: Lokal iran pakabat.

15 min: Lokal iran pankaukolan.

20 min: “Sano Dumay Lenguahe na Unabung.”c Betang na manangasikaso na serbisyo. Sano sisingbaten so parapo 2, ipaamta ed kongregasyon so nanduruman grupo na lenguahe odino kongregasyon a manpupulong ed parehon teritorya yo. Repasoen so dinanman ya espisipiko iran uksoyan a gagawaen pian tulongan iray nalalanor a grupo na lenguahe odino kongregasyon a mikoopera ed panagpulong a kimey.

Kanta 188

[Saray paimano ed leksab]