Eskedyul ed Pantitipon Parad Panagserbi

Simba na Nobyembre 12

Kanta 59

10 min: Lokal iran pakabat. Diad pangusar ed saray suhestion a walad pahina 8 odino saray arum nin presentasyon a matukoy ed teritorya yo, idemostra no panon ya iyopresi so Nobyembre 15 a Panag-Bantayan tan say Nobyembre ya Awake! Diad saratan a demostrasyon, nepeg a panibaen ya iyopresi iray magasin, anggaman sakey labat so iparungtal.

15 min: “Say Pilak Kayarian Ko, Say Balitok Kayarian Ko.” Paliwawa na sakey a matatken a nibase ed Nobyembre 1, 2007 a Panag-Bantayan, pahina 17-21.

20 min: “Manakar a Sikakalakal.”a No wala ni oras, imbitaan iray dumerengel a komentoan iray nisitas a teksto.

Kanta 192

Simba na Nobyembre 19

Kanta 109

10 min: Lokal iran pakabat. Salambiten so opresin literatura parad Disyembre, tan mangiparungtal na sakey a demostrasyon. Singbaten met so artikulon “Manimano ed no Panon so Italineng Mo” ed pahina 7, panonotan so amin ya iyaplika irayan suhestion sano onaatendi ed distriton kombension pian sigpot a nagunggonaan diad programa.

15 min: Lokal iran pankaukolan.

20 min: “Agmansusuyat!”b Sano sisingbaten so parapo 5, Pankomentoen iray akapangiyaral ed saray indibidual a natan et wala la’d katuaan. Panon a say progresibon panangiyaral na Biblia et makagunggona tan makapalikliket? Masakbay lan iyarunsa so pankomento na sakey odino duaran agagi.

Kanta 96

Simba na Nobyembre 26

Kanta 172

10 min: Lokal iran pakabat. Ibasa iray report na kuenta tan sulat nipaakar ed donasyon. Panonotan iray manangipalapag ya iter da la iray report da ed lawak na serbisyo parad Nobyembre. Diad pangusar ed saray suhestion ed pahina 8 odino arum nin presentasyon a matukoy ed teritorya yo, idemostra no panon ya iyopresi so Disyembre 1 a Panag-Bantayan tan Disyembre ya Awake!

15 min: Kasin Ninatnat Yo Ni so Panangaro Yo? Paliwawa na sakey matatken a nibase ed Enero 1, 2007 a Panag-Bantayan, pahina 9-11.

20 min: Sikayoran Kalangweran​—Panon Yon Nidayew si Jehova? Singbaten so Hunyo 15, 2005 a Panag-Bantayan, pahina 26-8, parapo 15-19, usaren iray intaryan tepet ed panagaral. Sano kokonsideraen so parapo 18, imbitaan iray kalangweran a mangisalaysay no panon iran akapantasi ed saray estudyante odino saray managbangat diad eskuelaan.

Kanta 5

Simba na Disyembre 3

Kanta 77

15 min: Lokal iran pakabat. Saray Pakabat a pinili manlapud Ministeryo Tayo ed Panarian. Repasoen iray punto na “Tepet” ed pahina 7.

15 min: Sakey ya Eskuelaan a Saray Mansusumpal ed Satan so Mangugunggona ed Totoo ed Sankamundoan. Paliwawa a nibase ed Nobyembre 15, 2006 a Panag-Bantayan, pahina 10-13. Manginterbio ed antikey na siopaman a matatken odino ministeryal a lingkor ed kongregasyon a nanaral ed Ministerial Training School. Panon a tinmulong iyan eskuelaan ed sikara pian onaligwas bilang ebanghelisador, pastol, tan managbangat? Pasesegen iray kualipikado ya agagin lalaki a gawaen dan kalat so panaral ed Ministerial Training School.

15 min: “Inabang ed Arum so Ilalo Tayo ed Panarian.”c No wala ni oras, pakomentoan ed saray dumerengel iray nisitan teksto.

Kanta 173

[Saray paimano ed leksab]