Eskedyul ed Pantitipon Parad Panagserbi

Simba na Setyembre 10

Kanta 225

10 min: Lokal iran pakabat. Usaren iray suhestion ed pahina 4 odino arum niran presentasyon a matukoy ed teritorya yo pian idemostra no panon ya iyopresi so Setyembre 15 a Panag-Bantayan tan Setyembre ya Awake! Dinanman so usaren yo, kaukolan a mantekep ya iyopresi iray magasin anggaman sakey labat a magasin so iparungtal.

15 min: ‘Mikaaro ed Panamegley na Agmatunong Iran Kayamanan.’ Paliwawa na sakey a matatken a nibase ed Disyembre 1, 1994, a Panag-Bantayan, pahina 13-18.

20 min: “Tumboken so Ehemplo ya Impanengneng nen Jesus.”a Paisalaysay ed saray dumerengel no panon iran agunggonaan ed maabig ya ehemplo na arum.

Kanta 130 tan pansaran pikakasi.

Simba na Setyembre 17

Kanta 60

10 min: Lokal iran pakabat.

15 min: Antoy Agawaan Tayo nen Imbeneg a Serbisyon Taon? Repasoen na manangasikaso na serbisyo so apalabas a serbisyon taon, ya ipabitar iray makapaseseg ya agawaan ed ministeryo. Mangiter na matukoy a komendasyon. Mamitla na sakey odino duaran pamaakaran a mankaukolan na imano legan na balon serbisyon taon. Komentoan so kimey na saray payunir, a komendaan ira lapud maseseg a kimey da. Isalaysay iray maabig a resulta ed impansagpot pian tulongan iray inaktibo.

20 min: Nankakasakey ya Impanaagi. Paliwawa tan singbaten a mibiang iray dumerengel a nibase ed kapitulo 16 na libron Organisadon Manggawa na Linawa nen Jehova.

Kanta 74 tan pansaran pikakasi.

Simba na Setyembre 24

Kanta 162

10 min: Lokal iran pakabat. Basaen so report na kuenta tan sulat parad donasyon.

15 min: Lokal iran pankaukolan.

20 min: Usaren so Tract a Labay Moy Makaaral nin Maong Diad Biblia Pian Igapo Iray Panangiyaral na Biblia ed Oktubre. Say opresi parad Oktubre et saray magasin a Panag-Bantayan tan Awake! No walay aromog ya interesado, nayarin usaren so tract pian igapo so panangiyaral na Biblia. Singbaten ed antikey so tract sano nibunog la na saray attendant ed saray inmatendi so sansakey a kopya, no wala. Ipaliwawa a say tract so nayarin singbaten ya intero odino kabiangan labat na saya ed unabung, balanglan diad primeron pakapitongtong odino sano ompawil. Usaren iray suhestion ed pahina 4 odino arum niran presentasyon a matukoy ed teritorya yo, idemostra no panon ya iyopresi so Oktubre 1 a Panag-Bantayan tan Oktubre ya Awake! Diad sakey a demostrasyon, itilak na unabung so tract sano ag-awaten na unabung iray magasin. Diad sananey a demostrasyon, sano inawat na unabung iray magasin, sikatoy ikdan na manangipalapag na tract, ya isingbat to ed sikato so pahina 5, a tukoyen so kupon parad libron Ibabangat na Biblia odino brosyur a Kakaukolanen ed pahina 6, tan iyopresin ompawil a mangawit na publikasyon.

Kanta 222 tan pansaran pikakasi.

Simba na Oktubre 1

Kanta 88

10 min: Lokal iran pakabat. Pinili Iran Pakabat Manlapud Ministeryo Tayo ed Panarian. Panonotan iray manangipalapag ya iter da iray report da ed lawak na serbisyo parad Setyembre.

15 min: Sulat na Sanga. Paliwawa tan singbaten a mibiang iray dumerengel a nibase ed sulat a naromog ed arap na sayan isyu na Ministeryo Tayo ed Panarian. Kerewen ed saray dumerengel a mangisalaysay na anggan dinan iran lokal ya eksperiensya legan na espisyal a kampanya odino diad impangusar ed libron Ibabangat na Biblia.

20 min: “Palaknaben so Ministeryo Tayo.”b Ilaktip iray komento na saray agagi a mamapalaknab na ministeryo ra, tan paisalaysay ed sikara no panon dan itutultuloy so panaanap na saray paraan pian napalaknab ni ministeryo ra. Nayarin iyuksoy lan unona so sakey odino duara a mankomento.

Kanta 102 tan pansaran pikakasi.

[Saray paimano ed leksab]