Eskedyul ed Pantitipon Parad Panagserbi

Simba na Enero 8

Kanta 12

10 min: Lokal iran pakabat. Pasesegen so amin a bantayan da so video a No Blood​—Medicine Meets the Challenge bilang preparasyon ed sayan parte ed Pantitipon Parad Panagserbi diad simba na Enero 22. Idemostra no panon ya iyopresi so Enero 15 a Panag-Bantayan tan Enero ya Awake! diad pangusar ed saray suhestion a walad pahina 8 odino arum niran presentasyon a matukoy ed teritorya yo.

15 min: Minabang ed Usisaen so Kasulatan ya Inagew-agew. Paliwawa tan walay pibibiang na dumerengel a nibase ed introduksion na Usisaen so Kasulatan ya Inagew-agew​—2007. Isingbat yo a nakaukolan na amin so mangigana na pigaran minuto ed kada agew pian konsideraen so teksto tan komento. Masakbay lan iyuksoy so pankomento na sakey odino duaran agagi nipaakar ed regular a panteteksto ra tan no panon iran nagugunggonaan. Sampotan iyan parte diad antikey a paningbat ed tekston parad taon 2007.

20 min: Ipasabi ed Amin so Maong a Balita. Paliwawa tan walay pibibiang na dumerengel a nibase ed Organisadon Manggawa na Linawa nen Jehova, pahina 92 anggad paulo ed pahina 102.

Kanta 165 tan pansaran pikakasi.

Simba na Enero 15

Kanta 93

10 min: Lokal iran pakabat. Saray Pakabat a pinili ed Ministeryo Tayo ed Panarian.

15 min: Kasin Wala so Mangaamper ed Sikayo? Paliwawa na sakey a matatken a nibase ed Abril 1, 2002, a paway na Say Panag-Bantayan, pahina 13-15.

20 min: “Agak Interesado.”a Sano singbaten la so parapo 4, itepet ed dumerengel no antoray pampapagaan na totoo ed teritorya yo. Iparungtal so duaran antikey a demostrasyon a mangipanengneng ed no panon ya ebatan so mangamper ed pitongtong yo, ya ibaga ton, “Agak interesado.”​—Nengnengen so libron Reasoning, p. 16.

Kanta 135 tan pansaran pikakasi.

Simba na Enero 22

Kanta 224

10 min: Lokal iran pakabat. Basaen iray report na kuenta tan pisalamatan iray donasyon. Idemostra so pangiyopresi ed Pebrero 1 a Panag-Bantayan tan say Pebrero ya Awake! diad pangusar ed saray suhestion a walad pahina 8 odino arum niran presentasyon a matukoy ed teritorya yo.

10 min: Lokal iran pankaukolan.

25 min: “Dinan a Medikal a Paraan so Sankaabigan a Parad Sikatayo?” Betang na sakey a matatken. Igapon tampol a singbaten ed dumerengel so video a No Blood, ya usaren iray tepet a walad sayan artikulo. Sampotan iyan parte diad pamasa ed unor a parapo, insan pasesegen so amin a maalwar dan repasoen iray asaglawin artikulo na Panag-Bantayan.

Kanta 188 tan pansaran pikakasi.

Simba na Enero 29

Kanta 55

7 min: Lokal iran pakabat. Panonotan iray manangipalapag ya iter da lay report da parad Enero. Salambiten so opresin literatura parad Pebrero, tan paidemostra so sakey a presentasyon.

15 min: “Kasin Akaparaan Kayo No Walay Onsabin Kalamidad?”b Betang na sakey a matatken. Ilaktip iray komento ed artikulon “Panon Itayon Makatulong?” ed pahina 1 na Oktubre 2006 a Ministeryo Tayo ed Panarian.

23 min: “Panon Kon Moriaen Iray Angkekelag a Kabiangan na Dala tan Saray Medikal a Paraan na Panagtambal ya Usaren so Mismon Dalak?” Singbaten iya panamegley na tepet tan ebat, tan walay demostrasyon. Say matatken a makanbetang ed saya so nepeg ya ontumbok a maong ed outline ya impawit na sangan opisina ed ulop na mamatatken.

Kanta 137 tan pansaran pikakasi.

Simba na Pebrero 5

Kanta 3

10 min: Lokal iran pakabat.

15 min: Sakey Ak a Tasi nen Jehova! Paliwawa tan walay pibibiang na dumerengel. Arum a tobonbalo so agmangipapaamta a Tasi nen Jehova ira lapud iisipen da a balbalawen ira na saray kaeskuelaan da. Balet, walaray maabig a rason pian ipakabat yo so inkasikayo bilang Tasi nen Jehova. No amta na saray maestra odino maestro yo iray sisiaen yo, respetoen da iratan tan agda kayo piliten a mibiang ed bengatlan agmanepeg ed Kristiano. Saray tobonbalon abebbebay moralidad da so agmanagyat ed sikayon mibiang ed gagawaen dan makapuy. Mas natalosan na arum iray desisyon yo nipaakar ed panag-date tan pibibiang ed saray isport diad eskuelaan tan arum niran extracurricular activities. Insan agkayo nababaingan a manpulong ed eskuelaan odino mitongtong ed sakey a kaklase a walad teritorya yo. (g02 3/22 p. 12) Pankomentoen iray manangipalapag no panon iran agunggonaan ed impangipakabat da ed inkasikara bilang Tasi nen Jehova diad eskuelaan. Nayarin masakbay lan pamparaanen so sakey odino duaran mankomento.

20 min: “Makanakana so Aro Parad Mabungan Ministeryo.”c Ilaktip iray komento ed Pebrero 1, 2003, a Panag-Bantayan, pahina 23, parapo 16-17.

Kanta 83 tan pansaran pikakasi.

[Paimano ed leksab]