Repaso ed Teokratikon Eskuelaan Parad Ministeryo
Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Agosto 28, 2006. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Hulyo 3 anggad Agosto 28, 2006. [Paimano: No anggapo iray reperensya kayari na tepet, kaukolan yoy mansukimat a dili pian naromog iray ebat.—Nengnengen so Eskuelaan Parad Ministeryo, p. 36-7.]
KALIDAD NA PANAGSALITA
1. Panon itayon natulongan na pimataan pian magmaliw a mas maong a managbangat? (Mat. 19:25, 26; Gawa 14:9, 10) [be p. 124 par. 3–p. 125 par. 3]
2. Akin ya importante so inkanatural, tan antoy makatulong ed sikatayo pian nipatnag itan sano mibibiang ed lawak na ministeryo? [be p. 128 par. 1-5, kahon]
3. Akin a nepeg ya interesado itayo ed personal a kalinisan? [be p. 131 par. 1-3]
4. Panoy nepeg ya impluensya na “kasimpitan tan inkalimpio na nonot” ed panangawes tan panag-ayos tayo? (1 Tim. 2:9, NW) [be p. 131 par. 4–p. 132 par. 1]
5. Antoran prinsipyo ed Biblia so nepeg tayon iyaplika pian naseguron say personal ya itsura tayo so agmangipatnag na panangaro ed mundo? [be p. 133 par. 2-3]
ASAINMIN NO. 1
6. Anto so sankabalgan a gunggona a nagamoran ed panagbasa? [be p. 21 par. 3]
7. Anto so mangipatnag no kasin say sakey a too et makabat odino makulangkulang? (Uli. 14:2) [w04 11/15 p. 26 par. 5]
8. Akin a ‘mainomay so pikakabat ed walaan na pakatalos’? (Uli. 14:6) [w04 11/15 p. 28 par. 4-5]
9. Anto so panagaral? [be p. 27 par. 3]
10. Panoy nepeg a pangapekta ed sikatayo na panagdalepdep ed saray panamalsa nen Jehova? [w04 11/15 p. 8 par. 4]
SINIMBAN BABASAEN ED BIBLIA
11. Nensaman a panaon, panon ya ‘inter [nen Jehova] so salita’ a nanresulta ed amayamay a ‘bibiin mangipapaamta ed [maong a] balita,’ tan panon iyan onaaplika natan? (Sal. 68:11)
12. Anto so sengegan na intunda lawari nen Asap a manggawa na maabig, tan panon a nipetek so kanonotan to? (Sal. 73:2, 3, 17)
13. Akin a tinawag a “tagano a nanlapu ed tawen” tan “tagano na saray makapanyari” so mana ya intarya ed saray Israelita? (Sal. 78:24, 25)
14. Anto so “maamot a pasen na Sankatageyan,” tan panon itayon “makapanayam” ditan? (Sal. 91:1, 2)
15. Diad anton dalan a say ipapatey na saray matoor ed si Jehova et mabli ed imaton to? (Sal. 116:15)