Eskedyul ed Pantitipon Parad Panagserbi

Simba na Marso 13

Kanta 41

10 min: Lokal iran pakabat. Saray Pakabat a pinili ed Ministeryo Tayo ed Panarian. Diad pangusar ed saray suhestion ed pahina 4, idemostra no panon ya iyopresi so Marso 15 a Panag-Bantayan tan say Marso ya Awake! Diad sampot na kada presentasyon, imbitaan na manangipalapag so unabung ed Memoryal, ya usaren so beneg na magasin ya ipaparungtal.

15 min: “Tulongan so Arum a Nagunggonaan ed Dondon.”a Say betang ya ontumbok ed saya so nagkalalon maningbat ni no panon tayon usaren so pahina 206-8 na libron Ibabangat na Biblia sano imbitaan iray totoo ed Memoryal.

20 min: Pangdem na Katawan​—Sakey a Selebrasyon a Mangigagalang ed Dios. Tepet tan ebat a tongtongan a nibase ed pahina 206-8 na libron Ibabangat na Biblia. Diad introduksion a kulang a sakey minuto, ipanengneng no panon a nayarin iparungtal so tema ed unabung diad pambasa ed unonan parapo. Insan imbitaan iray dumerengel a mankomento ed onggendan iran tepet ya agla basaen iray parapo: (par. 2) Kapigan inletneg nen Jesus so Memoryal na impatey to? (par. 3) Panon kabetbet so panselebra ed Pangdem na Katawan? (par. 4) Panon so panideskribe na Biblia ed selebrasyon na Memoryal? (par. 5) Panoy pakaamta tayo ya ag-impagmaliw nen Jesus a literal a laman to so tinapay tan dala to so alak? (par. 6) Anto so isisimbolo na agnilebaduraan a tinapay? (par. 7) Anto so irerepresenta na ambalangan alak? (par. 8) Siopa labat so nepeg a mangan na tinapay tan oninum na alak? (par. 9) Kapigan gagawaen so tinaon a Memoryal, tan akin ya onatendi itayo? Ipabitar iray manunan teksto no wala ni panaon. Pasesegen so amin ya iyaral da iyan impormasyon ed saray iyaaralan da na Biblia tan ed arum niran imbitaan da ed Memoryal diad pambasa ed saray parapo, paningbat ed saray manunan punto, tan pangusar ed saray simplin tepet, a singa saray nitarya ed sayan betang.

Kanta 134 tan pansaran pikakasi.

Simba na Marso 20

Kanta 18

10 min: Lokal iran pakabat. Repasoen iray manunan punto manlapud kahon a “Saray Panonot ed Memoryal.”

23 min: Say Betang nen Kristo ed Uksoyan na Dios. Paliwawa a nibase ed Organisadon Manggawa na Linawa nen Jehova, pahina 10-13. Sano sisingbaten so unonan duaran parapo ed silong na sub-titulon “No Anto so Betang nen Kristo,” mangusar na talora odino apatiran minuto pian isuheri tan idemostra iray paraan na pangusar ed imbitasyon ed Memoryal. Repasoen iray suhestion ed Pebrero 2006 a Ministeryo Tayo ed Panarian, pahina 3, parapo 3.

12 min: Apabiskeg Panamegley na Usisaen so Kasulatan ya Inagew-agew. Paliwawa tan singbaten a kaiba iray dumerengel base ed paunan salita na Usisaen so Kasulatan ya Inagew-Agew​—2006. Iyuksoy so demostrasyon na sakey a pamilya a manisingbat ed teksto ed sayan agew tan saray komento na satan.

Kanta 103 tan pansaran pikakasi.

Simba na Marso 27

Kanta 44

15 min: Lokal iran pakabat. Panonotan iray manangipalapag ya iter da la iray report da ed lawak na serbisyo ed Marso. Basaen so report na kuenta tan say naawat a donasyon. Diad pangusar ed saray suhestion ed pahina 4, idemostra no panon ya iyopresi so Abril 1 a Panag-Bantayan tan say Abril ya Awake! Ipanengneng met no panon ya usaren so niprintan imbitasyon pian imbitaan iray interesado ed Memoryal.

10 min: Kasin Siansia nin Say Dios so Mangokontrol? Paliwawa tan demostrasyon base ed beneg ya apis na Abril 1, 2006, a Panag-Bantayan. Anamoten so amin a pankanawnawa pian imbitaan iray totoo ed espisyal a publikon paliwawa. Seguroen ya imbitaan so amin ya iyaaralan na Biblia ontan met ed saray membro na pamilya to a nayarin agmibibiang ed panagaral na Biblia. Amin a kabat ya interesado tan arum niran naabet tayo ed lawak na serbisyo so nepeg ya ikdan na sayan espisyal ya imbitasyon. Idemostra no panon ya usaren so Abril 1 a Panag-Bantayan sano imbitaan so sakey a nagmaliw ya inaktibo odino tinmundan onaatendi ed saray pantitipon.

20 min: Lokal iran eksperiensya. Imbitaan iray dumerengel a mangisalaysay na saray eksperiensya ra ed panangiyopresi ed libron Ibabangat na Biblia legan na Marso. Ipabitar iray nigapon panangiyaral na Biblia. Nayarin iyakto so sakey odino duaran matalonggaring iran eksperiensya.

Kanta 170 tan pansaran pikakasi.

Simba na Abril 3

Kanta 199

15 min: Lokal iran pakabat. Antikey a repasoen so artikulon “Panggayagaan so Panaral Tayo ed Anto so Peteg ya Ibabangat na Biblia?” a pinmatnag ed pahina 6 na Pebrero 2006 a Ministeryo Tayo ed Panarian. Ipaimano so eskedyul ed panagaral ed libron Ibabangat na Biblia. Ipanengneng met no panon ya usaren so niimprintan imbitasyon pian imbitaan iray interesado ed Memoryal.

10 min: Lokal iran pankaukolan.

20 min: “Bangatan Iray Mauyamo a Manakar ed Dalan na Dios.”b Ilaktip iray komento base ed Hulyo 1, 2004, a Panag-Bantayan, pahina 16, parapo 9.

Kanta 93 tan pansaran pikakasi.

[Saray paimano ed leksab]