Saray Brosyur Parad Aliwan Kristiano Iran Relihyon
Lasting Peace and Happiness—How to Find Them
Sano mantatasi ed sakey ya estudyante a Tsino, oniay nayarin ibagam:
“Say sakey a naimanok a mabetbet a pirawat na amin ya estudyante et say kiwala komon na kareenan tan liket. Ipasen mo ta ya importante iya? [Abuloyan ya onebat.] Agta alay abig no nasumpal irayan salita nensaman?” Basaen so Salmo 37:11, insan iyopresi so brosyur.
“Nia! Gawaen Kon Balo so Amin a Bengatla”
Oniay nayarin ibagam ed sakey a maedad lan Budhista:
“Maseguron napapagaan kayo met a singa siak ed dakerakel la natan a makapuy iran ideya tan say epekto na saraya ed ananak tayo. Akin kasi et ontan lay ikakasmak na imoralidad ed saray kalangweran? [Abuloyan ya onebat.] Amta yo ta a saya so nipasakbay la dia ed libron agapoan lan nisulat antis nin niwala so Muslim, Kristiano, tan Hindu iran relihyon? [Basaen so 2 Timoteo 3:1-3.] Imano yo a siansian onderenden irayan kipapasen anggaman ed mantultuloy a panagaral. [Basaen so bersikulo 7.] Sayan publikasyon so akatulong ed siak a natalosan so katuaan ya agnaamtaan a balot na maslak a totoo. Labay yo ta’n basaen iya?”—km 8/99 p. 8.
Our Problems—Who Will Help Us Solve Them?
Diad sakey a malalangwer a Hindu, oniay nayarin ibagam:
“Seguradon manisia ka ed Dios. Anto so padesir mon gagala na Dios parad sikatayo? [Abuloyan ya onebat. Insan basaen so Genesis 1:28] Diad dakel a pasen na dalin et sobra lay populasyon tan asalot ed problema. Antoy nibagam, labay kasi na Manamalsa a tulongan itayon manolbar ed saray problema tayo?” Abuloyan ya onebat. Insan iyopresi so brosyur.—km 9/99 p. 8.
The Guidance of God—Our Way to Paradise
Sano mitotongtong ed sakey a Muslim, oniay nayarin ibagam:
“Panggugunaetan koy makapitongtong ed saray Muslim. Natatalosan ko a manisia iray Muslim ed sakey a tuan Dios tan ed amin a propeta. Agta ontan?” [Abuloyan ya onebat.] Labay kon itongtong ed sikayo so nipaakar ed abayag lan inpropesiya a mangipapasakbay ed pagmaliw na dalin a paraiso. Nayarin ibasak ed sikayo so insulat na propeta? [Abuloyan ya onebat. Insan basaen so Isaias 11:6-9.] Ipapanonot ed siak na sayan propesiya so sakey ya inaon ed Koran a walad sayan brosyur.” Ibukay ed pahina 9, insan basaen so inaon a nisulat a mabatar. No angipatnag na interes, ituloy so tongtongan ed parapo 7-9 na biek a pahina.—km 11/99 p. 8.
Why Should We Worship God in Love and Truth?
Sayan presentasyon so nayarin managyat ed sakey a de-pamilyan Hindu:
“Ombibisita ak ed saray totoon manpapaga ed kipapasen na bilay na pamilya diad dakel a daldalin natan. Anto so padesir yon makapankasakey ed pamilya? [Abuloyan ya onebat.] Walaray totoon makaamta ed ibabaga na Hindu a kasulatan nipaakar ed pamilya, balet anggapon balot so pankanawnawa ran ikompara itan ed say ibabaga na Biblia nipaakar ed sayan tema. Labay ko komon ya inabang ed sikayo iya ay. [Basaen so Colosas 3:12-14.] Uusisaen na sayan brosyur iray sagradon sulsulat na India tan say Biblia.” Iyopresi so brosyur, insan ipabitar so pahina 8-9 tan 20-1.—km 9/99 p. 8.
Will There Ever Be a World Without War?
Sano mantatasi ed sakey a Judio, oniay nayarin ibagam:
“Maslak ed sikatayo et naeksperiensya to lay naandian na inad-aro lapud impatey. Anto so padesir yon nagawa ed sikatayo sano ompatey itayo?” Abuloyan ya onebat. Insan iparungtal so kahon a “Death and the Soul—What Are They?” diad pahina 22 na brosyur. Basaen so parapo 17 ed pahina 23 a nipaakar ed kikioli. Salambiten a say patriarkan si Job et manisia ed ilalon kioli. Iyopresi so brosyur, insan iyuksoy so ipawil pian pantongtongan so nisitan teksto ed sampot na parapo 17.—km 10/99 p. 8.