Saray Pakabat

◼ Opresin literatura ed Hunyo: Iyopresi so Manaral Manlapud Sankamaongan a Managbangat. No ibaga na totoo ya anggapoy anak da, iyopresi so brosyur a Kakaukolanen tan panggunaetan so pangigapo na panangiyaral na Biblia. Hulyo tan Agosto: Anggan dinan a brosyur so nayarin iyopresi. Setyembre: Life​—How Did It Get Here? By Evolution or by Creation? No ag-awaten na saray unabung so opresin libro, ipresenta so brosyur a Mantultuloy a Manbantay!

◼ Kapiganman a manplano kayo ya onatendi ed saray pantitipon na kongregasyon, asamblea, odino distriton kombension ed arum a bansa, say pangipatuloran yo na saray kerew yo nipaakar ed saray impormasyon ed petsa, oras, tan lugar so nepeg a diad sangan opisina a mangaasikaso ed kimey diad satan a bansa. Saray address na saray sangan opisina so nilista ed unor a pahina na balon paway a Yearbook.

◼ Saray sekretaryo na kongregasyon so nepeg a maneguro a walan naynay so parad sakey-taon a suplay na Application for Regular Pioneer Service (S-205) tan Application for Auxiliary Pioneer Service (S-205b) iran porma. Saraya so na-order panamegley na Literature Request form (S-14).

◼ Nepeg a nawalaan na kopya na libron Organisadon Manggawa na Linawa nen Jehova so librarya na Kingdom Hall. Say kaaruman ya impormasyon nipaakar ed saray librarya na Kingdom Hall so naromog ed Pebrero 2003 a Ministeryo Tayo ed Panarian, pahina 5, tan ed “Tepet” na Hulyo 1997 a Ministeryo Tayo ed Panarian.