Saray Suhestion ed Panangipresenta na Peteg Kasin Manatalima so Dios ed Sikatayo?
Kayarin saglawien so sakey a balitadon makapasinagem ya agawa, oniay nayarin ibagam:
“Naumameng mo ta la no akin ya aabuloyan na Dios a manirap iray totoo, no talagan iyaansakit to itayo? [Abuloyan ya onebat.] Walad sayan brosyur so makapenek ya ebat ed satan a tepet tan mangipapanengneng ed no antoy gawaen na Dios ed asingger lan arapen. [Ipanengneng iray litrato ed pahina 27, tan basaen so Salmo 145:16 ed parapo 22.] Panon kasin paandien na Dios so amin a paniirap na katooan? Satan a tepet so labay kon itongtong diad ipawil ko.” Iyopresi so brosyur tan iyuksoy so ipawil.
Kapawil mo, oniay nayarin ibagam:
“Nen imbeneg ya inyakar ko, binasa tayo iyan teksto. [Basaen odino aonen so Salmo 145:16.] Insan ko intepet so: Panon kasin paandien na Dios so amin a paniirap na katooan?” Paipaway so brosyur to. Insan ibukay ed pahina 27-8, tan pantongtongan so parapo 23-5. Mangiyopresi na panangiyaral ed Biblia, odino iyuksoy so paningbat ed parapo 26-7 diad ipawil.
Oniay nayarin ibaga na sakey a tinedyer a manangipalapag:
“Dakel a kaedaran ko so interesado ed no anto kasi pagmaliwan na mundo kayari 10 odino 15 a taon. Anto so padesir yon pagmaliwan na bilay diad satan? [Abuloyan ya onebat.] Sarayay probleman naiimatonan tayo natan et mangipapabitar a manbibilay itayo la’d saray kaunoran ya agew. [Basaen so 2 Timoteo 3:1-3.] Eebatan na sayan brosyur irayan tepet. [Basaen so tepetepet ed apis, insan iyopresi so brosyur.] Diad ipawil ko, no walay daiset a panaon yo et labay koy manginabang na sakey a makapaseseg a punto nipaakar ed kaandi la na sakit tan itatakken.” Iyuksoy so ipawil.
Kapawil mo, oniay nayarin ibagam:
“Diad samay imbeneg ya impantongtong tayo, asalambit kon labay kon itongtong ed sikayo so nipaakar ed kaandi la na sakit tan itatakken. Satan so naromog dia ay.” Paipaway so brosyur to, insan basaen tan pantongtongan so parapo 6-7 ed pahina 23-4. Iyuksoy so paningbat ed parapo 8-9 diad onsublay ya idalaw.
Sano mankikimey a kaulop so sakey ya ugaw, oniay nayarin ibaga na wala la’d edad kayari pangipakabat ed sikaran dua:
“No iyabuloy yo, labay nen ________ ya ibasa ed sikayo so sakey a teksto. [Basaen na ugaw so Salmo 37:29 insan to komentoan na antikey.] Sisingbaten na sayan brosyur no panon a sumpalen na Dios so gagala to parad katooan tan dalin. [Ipanengneng iray litrato ed pahina 24-7.] Diad ipawil mi, labay kon inabang ed sikayo so alay abig a sipan na Biblia a kioli.” Iyopresi so brosyur insan iyuksoy so ipawil.
Diad ipawil, oniay nayarin ibaga na wala la’d edad:
“Nen imbeneg ya inyakar mi dia, imbasa mi so Salmo 37:29 tan asalambit kon labay kon inabang ed sikayo so ibabaga na Biblia nipaakar ed kikioli. Imano yo no antoy ibabaga to dia ay.” Paipaway so brosyur to. Insan yo pantongtongan so parapo 12-14 diad pahina 24-5. Mangiyopresi na panangiyaral ed Biblia, odino iyuksoy so paningbat ed parapo 15-16 diad ipawil.