Simpitan
Nisuheri Iran Panangipresenta ed Brosyur
Nitarya ed sayan insert so pigaran suhestion ya ontulong ed sikayon mangiparaan ed saray presentasyon diad pangiyopresi ed saray brosyur. Nayari irayan itukoy ed lokal iran kipapasen. Nayari met ya usaren so arum niran presentasyon. Nausar met iray onggendan a suhestion bilang modelo pian iparaan iray presentasyon ed saray brosyur ya ag-asingbat ed sayan insert.—Nengnengen so Enero 2005 a Ministeryo Tayo ed Panarian, p. 8.
Kada suhestion diad sayan pahina so mangilaktip ed (1) makatenyeg-kanonotan a tepet parad pangigapo na tongtongan, (2) reperensya na itotongtong a punto a naromog ed brosyur, tan (3) matukoy a teksto a nibasa legan na pantotongtong. Nayarian yo lan suldongan so presentasyon ed dili yo iran salita, depende ed ikiwas na too.
Libron Parad Amin a Totoo
“Diad padesir yo, kasin lugan na Biblia iray bilin a praktikal ed sarayan panaon?”—p. 22, kapsion; p. 23, par. 3 na kahon; Uli. 25:11.
A Satisfying Life—How to Attain It
“Saray totoo ed interon mundo so manggugunaet a nawalaay magmaong a bilay. Diad padesir yo, posible ni kasi so pakawalaay peteg a makapnek a bilay?”—p. 29, par. 6; 2 Ped. 3:13.
Enjoy Life on Earth Forever!
“Iisipen na maslak a totoo a kaukolan da ni so onla’d tawen pian napanggayagaan so maandon bilay, balet antoy padesir yo ed andi-anggaan a pambilay diad dalin?”—Litrato ed apis; Apo. 21:4.
Should You Believe in the Trinity?
“Saray totoo et walaan na nanduruman panmoria nipaakar ed peteg ya inkapersona na Dios. Diad padesir yo, importante ni kasi no antoy sisiaen tayo?”—p. 3, par. 3, 7-8; Juan 17:3.
The Divine Name That Will Endure Forever
“Maslak ed sikatayo et makaamta ed samay pikakasin ‘Ama mi wala ka’d tawen, nagalang komon so ngaran mo.’ (Mat. 6:9) Balet, amta yo kasi a say kililiktar tayo manaya et akadepende ed pangamta ed satan a ngaran?”—p. 28, par. 1; Roma 10:13.
The Government That Will Bring Paradise
“Dakel a totoo so manpipirawat ed solusyon na saray probleman kidudungetan tayo natan. Diad padesir yo, wala ni kasi gobierno a makasolbar ed sarayan problema?”—p. 3, par. 1; Mat. 6:9, 10.
Antoy Nagagawa ed Sikatayo Sano Inatey Itayo?
“Sano ompatey so totoon inad-aro tayo, natural labat a panumamengan tayo no iner lay kawalaan da tan no kasin napinengnengan tayo ra lamet. Ninonot yo ta la iratan a tepet?”—Tepetepet ed beneg ya apis; Job 14:14, 15.
Sano Naandi’d-bilay so Pinabli Yo
“Diad sayan agew et walay inanabang min brosyur ya angiter na ligliwa tan ilalo ed minilyon lan totoo a naandian na inad-aro lapud ipapatey. Naumameng yo ta la no anto so walan ilalo parad saray inaatey?”—p. 27, par. 3; Juan 5:28, 29.
“Naumameng yo ta la no panon a ligliwaen so toon naandian na inad-aro lapud ipapatey?”—p. 20, par. 1; Uli. 17:17.