Repaso ed Teokratikon Eskuelaan Parad Ministeryo
Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Hunyo 27, 2005. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Mayo 2 anggad Hunyo 27, 2005. [Imanoen: No anggapo iray reperensya kayari na tepet, kaukolan yoy mansukimat a dili pian naromog iray ebat.—Nengnengen so Eskuelaan Parad Ministeryo, p. 36-7.]
SARAY KALIDAD ED PANAGSALITA
1. Akin ya epektibon uusaren ed panagbangat iray panangikompara tan metapora? (Gen. 22:17; Sal. 1:3; Sant. 3:6) [be p. 240 par. 2–p. 241 par. 1, kahon]
2. Iner so pakaromogan tayo na saray alimbawa a mangibabangat na makana iran leksion, balet antoray nepeg tayon panalwaran nipaakar ed saya? [be p. 242 par. 2-3]
3. Anto so nepeg tayon tandaan sano mamipili itayo na saray ilustrasyon pian magmaliw iratan ya epektibon tuloy? [be p. 244 par. 1-2]
4. Akin a mangusar itayo na saray nanengneng a katulongan ed panagbangat tayo, tan panon ya angusar na ontan si Jehova? [be p. 247 par. 1-2, kahon]
5. Panon tayon nausar iray nanengneng a katulongan ed lawak na ministeryo? [be p. 248 par. 1–p. 249 par. 2]
ASAINMIN NO. 1
6. Anton giya so naromog ed Salitay Dios nipaakar ed panagpaaral ed anak? [w03 3/15 p. 12 par. 2; p. 14 par. 4]
7. Panon ya angipanengneng na interes si Jehova ed kinen David bilang kalangweran, tan panon ya angipanengneng na interes si David ed kinen Jehova? [w03 4/15 p. 29 par. 4; p. 30 par. 3]
8. Akin ya apaliket si Jehova ed bagat nen Abel, tan anto so ipapaseguro na saya ed sikatayo? (Gen. 4:4) [w03 5/1 p. 29 par. 4-7]
9. Anto imay “pananusa [odino disiplina] nen Jehova” ya isisimbawa na Uliran 3:11 ya agtayo nepeg ya ipulisay? [w03 10/1 p. 20 par. 2-4]
10. Anto so kabaliksan na ‘panamasarag’ ya inusar ed 1 Timoteo 6:6-8? [w03 6/1 p. 9 par. 1-2; p. 10 par. 1]
SINIMBAN BABASAEN ED BIBLIA
11. Anto so iyaanino na maaron impankasakey a niwala’d baetan di Jonatan tan David? (2 Sam. 1:26) [w89 2/1 p. 10 par. 13]
12. Anto so naaralan tayo ed samay primeron impanali nen David ya awiten so kaban na sipan ed Jerusalem? (2 Sam. 6:2-9)
13. Kayari impankasalanan di David tan Batseba, akin a kaukolan nin ompatey so anak da, anta ibabaga na Deuteronomio 24:16 tan Ezequiel 18:20 a nepeg ya ag-ompatey so sakey ya anak nisengeg ed kasalanay ama to? (2 Sam. 12:14; 22:31)
14. Panon tayon naamtaan a tila so imbaga nen Siba nipaakar ed si Mefiboset? (2 Sam. 16:1-4)
15. Akin a maabig ya alimbawa ed sikatayo so reaksion nen Mefiboset ed kipapasen to ed si Siba? (2 Sam. 19:24-30)