Eskedyul ed Pantitipon Parad Panagserbi
Paimano: Iyeskedyul nin siansia na Ministeryo Tayo ed Panarian so sinimban Pantitipon Parad Panagserbi legan na saray bulan na kombension. Saray kongregasyon so manggawa na nakaukolan a panangiyarunsa ta pian makaatendi ed “Manakar a Kaibay Dios” a Distriton Kombension. No matukoy, usaren so 15 minuto ed unor a Pantitipon Parad Panagserbi sakbay na iyatendi ed kombension pian uliten so nipabitar a simbawa ed insert na sayan bulan ya onaplika ed lokal. Legan na Pebrero, iyuksoy so pangusar ed interon sakey-simba a Pantitipon Parad Panagserbi pian repasoen iray nipabitar diad programa ed kombension. Bilang preparasyon ed satan a paningbat, amin tayo so nepeg a mannota diad kombension, pati saray espisipikon punto a labay tayon iyaplikan mismo ed bilay tayo tan ed lawak na ministeryo.
Simba na Nobyembre 8
Kanta 180
10 min: Lokal iran pakabat. Pinili ed Saray Pakabat diad Ministeryo Tayo ed Panarian.
15 min: “Pansiansiaen so Inkaganatan!”a Ilaktip iray komento ed Enero 15, 2000, a Panag-Bantayan, pahina 12-13.
20 min: ‘Manbabansag Itayon Mangiyabalbaleg ed Ngaran To.’b Betang na sekretaryo na kongregasyon, ya usaren to so intaryan tepetepet. Salambiten so kombension ya akaasainan na kongregasyon. Sampotan diad pangitepet na duara odino talora manlapud artikulon “Espiritual a Tagano Diad Dugan Panaon,” a singbaten ed onsublay a Pantitipon Parad Panagserbi.
Kanta 19 tan pansaran pikakasi.
Simba na Nobyembre 15
Kanta 170
10 min: Lokal iran pakabat. Usaren iray suhestion ed pahina 4 pian idemostra no panon ya ipresenta so Nobyembre 15 a Panag-Bantayan tan Nobyembre 22 ya Awake!
15 min: Aliknam Ta la so Liket Lapud Panangiter? Paliwawa base ed Nobyembre 1, 2004, a Panag-Bantayan, pahina 19-23.
20 min: “Espiritual a Tagano Diad Dugan Panaon.”c Usaren so intaryan tepetepet. Sano sisingbaten so parapo 2, kerewen a mankomento so duara odino taloran dumerengel nipaakar ed agda nalinglingwanan a kombension ya inatendian da. Sampotan diad pangitepet na duara odino talora manlapud “Masanto Komon so Amin a Kondukta Yo,” a singbaten ed onsublay a Pantitipon Parad Panagserbi.
Kanta 66 tan pansaran pikakasi.
Simba na Nobyembre 22
Kanta 199
10 min: Lokal iran pakabat. Report na kuenta.
15 min: Lokal iran pankaukolan.
20 min: “Masanto Komon so Amin a Kondukta Yo.”d Usaren so intaryan tepetepet. Kerewen ed saray dumerengel ya isalaysay iray naobserbaan dan maabig a kondukta tan panangawes na agagi diad kombension a kirayewan nen Jehova.
Kanta 58 tan pansaran pikakasi.
Simba na Nobyembre 29
Kanta 23
10 min: Lokal iran pakabat. Panonotan iray manangipalapag ya iter la iray report da parad Nobyembre. Idemostra no panon ya ipresenta so Disyembre 1 a Panag-Bantayan tan Disyembre 8 ya Awake!
10 min: Ipaliwawa na sakey a matatken iray punto ed “Tepet.”
25 min: “Panangikondukta na Progresibo Iran Panagaral na Biblia—Parte 3.”e Usaren so intaryan tepetepet. Kayarin siningbat so parapo 3, ilaktip so antikey a demostrasyon ed panangiyaral na Biblia diad leksion 5, parapo 1 na brosyur a Kakaukolanen. Say parapo so abasa la tan naebatan la so tepet. Basaen tan singbaten na mangikokondukta tan say iyaaralan so Isaias 45:8 tan Eclesiastes 1:4. Mangusar na simplin tepetepet so mangikokondukta pian pasesegen so iyaaralan a mangipaliwawa no panon a misiglaotan so teksto ed punto a sisingbaten.
Kanta 178 tan pansaran pikakasi.
Simba na Disyembre 6
Kanta 96
10 min: Lokal iran pakabat. Salambiten iray opresin literatura parad Disyembre. Mangidemostra na sakey odino duaran presentasyon a nausar sano iyoopresi so libron Greatest Man.
20 min: “Sarag Yo Kasi so Ontulong?”f Interbioen so sakey odino duaran manangipalapag a misalsalamat ed tulong odino panamaseseg ed sikato na arum.
15 min: Sigpot a Minabang ed Pantitipon Parad Panagserbi. Singbaten kaiba so dumerengel base ed libron Our Ministry, pahina 71-2. Antoray limaran paraan a sikatayoy natutulongan na Pantitipon Parad Panagserbi ya onaligwas bilang Kristianon ministros? Mangiter na alimbawa manlapud kaplesan a programa ed bulan. Antoray gunggona na masakbay a panagparaan? Akin a regular ya onatendi? Antoy walan Makasulatan ya uksoyan parad sayan miting?
Kanta 101 tan pansaran pikakasi.
[Saray paimano ed leksab]
a Agsasabien so sakey minuto ya introduksion, insan itumbok so tepet tan ebat a diskusyon.
b Agsasabien so sakey minuto ya introduksion, insan itumbok so tepet tan ebat a diskusyon.
c Agsasabien so sakey minuto ya introduksion, insan itumbok so tepet tan ebat a diskusyon.
d Agsasabien so sakey minuto ya introduksion, insan itumbok so tepet tan ebat a diskusyon.
e Agsasabien so sakey minuto ya introduksion, insan itumbok so tepet tan ebat a diskusyon.
f Agsasabien so sakey minuto ya introduksion, insan itumbok so tepet tan ebat a diskusyon.