Eskedyul ed Pantitipon ed Panagserbi

PAIMANO: Iyeskedyul na Ministeryo Tayo ed Panarian so Service Meeting parad kada simba legan saray bulan na kombension. No nakaukolan et iyarunsa iratan na saray kongregasyon pian makaatendi ed distriton kombension. Legan na Pebrero, 2003, say interon Service Meeting so iyuksoy parad panrepaso ed saray nipabitar diad programa ed kombension. Bilang preparasyon ed satan a diskusyon, amin tayo so makapangala na nota diad kombension, pati saray espesipikon punto a labay tayon iyaplikan personal ed dilin bilay tayo tan ed lawak na ministeryo. Diad ontan et nipaliwawa no panon tayon niyaaplika la irayan suhestion nanlapula’d inyatendi tayo ed kombension.

Simba na Nobyembre 11

Kanta 183

10 min: Lokal iran pakabat. Pinili ed Saray Pakabat diad Ministeryo Tayo ed Panarian. Usaren iray suhestion ed pahina 8, mangipademostra na duara no panon ya iparungtal so Nobyembre 15 a Panag-Bantayan tan Nobyembre 22 ya Awake!

15 min: Saray Managsuporta ed Tuan Panagdayew​—Nensaman tan Natan. Paliwawa a nibase ed Nobyembre 1, 2002, a Panag-Bantayan, pahina 20-4.

20 min: “Peneken so Espiritual a Pankaukolan Yo.” Paliwawa tan singbaten a mibiang iray dumerengel. Konsideraen so paimano ed tagey nipaakar ed panrepaso ya implano parad Service Meeting ed Pebrero, 2003, tan pasesegen so amin a manparaan parad satan.

Kanta 114 tan pansaran pikakasi.

Simba na Nobyembre 18

Kanta 78

12 min: Lokal iran pakabat. Report na saray kuenta. Singbaten so kahon ya “Ekselentin Babasaen!”

13 min: Paliwawa na makasarag a matatken ed “Tepet” diad pahina 7.

20 min: “Tulongan Moy Manangasikaso na Panagaral na Kongregasyon ed Libro.”a Betang na sakey a matatken a manangasikaso na Panagaral na Kongregasyon ed Libro. Sano singbaten so parapo 3, ilaktip iray komento diad libron Eskuelaan Parad Ministeryo, pahina 70.

Kanta 31 tan pansaran pikakasi.

Simba na Nobyembre 25

Kanta 16

10 min: Lokal iran pakabat. Idemostra na sanasawa a sankaiban mankikimey ed lawak na serbisyo so pangusar ed saray suhestion ed pahina 8 pian iyopresi so Disyembre 1 tan Disyembre 8 iran magasin.

15 min: “Ipakabat so Katuaan Nipaakar ed si Jesus.”b Ilaktip iray komento diad libron Eskuelaan Parad Ministeryo, pahina 278. Pasesegen so amin a mangawit ed libron-panaralan diad ontumbok a Service Meeting parad betang ya “Eskuelaan a Mangikinlong ed Sikatayo Parad Sankaimportantian Iran Kimey.”

20 min: “Ipatnag so Maaron Kapagaan ed ‘Saray Ulila ed Ama.’” Usaren so taloran minuto diad pangipaliwawa ed panmoria nen Jehova ed saray ulila ed ama ya ugugaw, base ed parapo 1 tan ed Insight, Tomo 1, pahina 816. Insan singbaten la so artikulo ed tepet tan ebat. Sano singbaten iray parapo 3-4, ilaktip so antikey iran komento ed Oktubre 8, 1995, ya Awake!, pahina 8-9.

Kanta 142 tan pansaran pikakasi.

Simba na Disyembre 2

Kanta 213

8 min: Lokal iran pakabat. Repasoen a magano so presentasyon a nayarin usaren sano iyoopresi so libron Greatest Man.​—Nengnengen so Hunyo 1998 a Ministeryo Tayo ed Panarian, pahina 8.

12 min: Lokal iran pankaukolan.

25 min: “Eskuelaan a Mangikinlong ed Sikatayo Parad Sankaimportantian Iran Kimey.” Singbaten a pibiangen iray dumerengel a betang na manangasikaso na eskuelaan. Pabiskegen so seseg parad balon programa ed eskuelaan, ya onggapo no Enero. Ipaimano iray importantin kabiangan ed “Eskedyul ed Teokratikon Eskuelaan Parad Ministeryo ed 2003,” diad insert na Oktubre 2002 a Ministeryo Tayo ed Panarian. Idalatdat iray kakaukolanen diad pibiang ed eskuelaan, a singa nibinsabinsa ed libron Eskuelaan Parad Ministeryo, pahina 282, tan pasesegen iraman so agni nanggawa ed satan pian manpalista no kualipikado ira.

Kanta 127 tan pansaran pikakasi.

[Saray paimano ed leksab]