Ekselentin Babasaen!

Agkayo ta onabobon a saray onggendan a titulo na apalabas iran artikulo na Watchtower et ompatnag ya ekselente iran babasaen?

“Kasin Mabilay Kayo ed Espiritual a Paraan?”

“Paaligwasen so Pakakontrol ed Dila”

“Itunda so Kaugsan, Igapo so Kamaongan”

“Epektibon Panagpulong diad Saray Unabung”

“Pangebat ed Tepet a, Kasin Nisalba Ka La?”

Sarayan artikulo tan dakel nira so pinmatnag ed The Watchtower legan na saray taon 1951 anggad 1959. Kasin daan lan maong iratan pian pakagunggonaan tayo natan? Andin balot! Sarag yo ni mangala na saray tomo na Watchtower ed Ingles ed saray taon 1951 anggad 1959. Siopaman a manangipalapag a manpirawat ed sarayan tomo na Watchtower so nayari lan man-order ed saratan diad panamegley na manangasikaso na literatura na kongregasyon.

Kaukolan ya imanoen na saray manangasikaso na Teokratikon Eskuelaan Parad Ministeryo no kasin walaray tomo ya anggapo ed librarya na Kingdom Hall insan man-order.