Eskedyul ed Pantitipon ed Panagserbi
Simba na Agosto 12
Kanta 76
13 min: Lokal iran pakabat. Pinili ed Saray Pakabat manlapud Ministeryo Tayo ed Panarian. Nawalaan na duaran biig a demostrasyon, ya usaren iray suhestion ed pahina 8, no panon ya iparungtal so Agosto 15 a Panag-Bantayan tan say Agosto 22 ya Awake! Diad balang kipapasen, ipanengneng so duman paraan no panon a pidenengan so manamatunda na tongtongan ya “Akin a mabetbet kayon ondadalaw?”—Nengnengen so libro a Reasoning, pahina 20.
20 min: “Mangiletneg na Espiritual Iran kalat.”a Sano sisingbaten so parapo 5, ilaktip iray makapaseseg a komento nipaakar ed panag-regular payunir tan panagmisionaryo tan panaglingkor ed Bethel manlapud libron Our Ministry, pahina 114-16.
12 min: Lokal iran eksperiensya. Imbitaan so kongregasyon a mangibinsabinsa ed saray eksperiensya ra diad impangusar ed tract a Labay Moy Makaaral nin Maong Diad Biblia? Kasin walaray nigapon panagaral ed Biblia? No ontan, ipaliwawa no panon odino i-akto lamet so sakey odino duaran eksperiensya. Repasoen so kahon a “Saray Pankanawnawan Pangibunog ed Tract” a wala’d Disyembre 2001 a Ministeryo Tayo ed Panarian, pahina 4.
Kanta 123 tan pansaran pikakasi.
Simba na Agosto 19
Kanta 182
10 min: Lokal iran pakabat. Report na saray kuenta.
15 min: Anto so Mangaamper ed Sikara? Singbaten kaiba iray dumerengel tan demostrasyon. Diad ministeryo tayo et kaslakan lan naroromog tayo iray totoon masuyat a maningbat ed sisisiaen da. No napatnagan tayo no akin a masuyat so sakey a too, saya so nayarin ontulong ed sikatayo a makapanparaan na iyaasingger ya ontulong ed too a mangibesngaw ed saray opinyon to. Singbaten no panon tayon iyadapta iray presentasyon tayo sano naabet tayo so onggendan iran klase na totoo: (1) Saramay agmananginenen ed relihyon, anggan say dili ran relihyon. (2) Saramay debosyonadon maong ed relihyoso iran kustombre ya aagamilen na pamilya ra. (3) Saramay masuyat a mangitongtong ed sisisiaen da lapud dagdaiset so Makasulatan a panuporta ra ed saratan. (4) Saramay manlalabi ed sikatayo lapud manamalingo iran komento na saray onsusumpa. Ilaktip so antikey a demostrasyon a mangipapanengneng no panon ya ipaarap so imano na too ed Makasulatan a tongtongan.
20 min: “Ipatnag so Kristianon Katooran Sano Adispelosip so Sakey a Kanayon.”b (Parapo 1-8) Idaulo na kualipikadon maong a matatken, ya usaren iray tepet ya intarya. Ipabasa a maksil so kada parapo ed sakey ya agin laki a makayarin managbasa.
Kanta 136 tan pansaran pikakasi.
Simba na Agosto 26
Kanta 189
10 min: Lokal iran pakabat. Diad pangusar ed saray nisuheri ed pahina 8, paidemostra ed sakey a payunir no panon ya ipresenta so Setyembre 1 a Panag-Bantayan tan paipresenta ed sakey a manangipalapag na kongregasyon so Setyembre 8 ya Awake! Pasesegen so amin a manangipalapag a mangilaktip na sakey a teksto ed presentasyon da.
17 min: “Magmaliw ya Epektibon Mitatalosan!”c Bilang konklusyon, pasesegen iray manangipalapag a repasoen so “No Panon so Pamaaligwas ed Saray Dunong a Mitongtong” diad libron Minabang Manlapud Edukasyon na Teokratikon Eskuelaan Parad Ministeryo, pahina 62-5.
18 min: “Ipatnag so Kristianon Katooran Sano Adispelosip so Sakey a Kanayon.”d (Parapo 9-14) Betang na kualipikadon tuloy a matatken, ya usaren iray tepet ya intarya. Ipabasa a maksil so kada parapo ed sakey ya agin laki a makayarin managbasa.
Kanta 125 tan pansaran pikakasi.
Simba na Setyembre 2
Kanta 84
10 min: Lokal iran pakabat. Antikey ya ipabitar so artikulo ya “Ibasaan Moray Anak Mo” na Mayo 1, 1999, a Panag-Bantayan, pahina 25.
20 min: Manparaan Antis Kan Onla. Pantongtongan tan demostrasyon. Say maabig a panagplano so mangarum ed inka-epektibo tayo ed ministeryo. Kanian, masakbay a: (1) Mangala na nakaukolan mon literatura. (2) Seguroen a walaan ka na magenap iran house-to-house record tan bolpen odino lapis. (3) No kaukolan moy manbiahe, manggawa na matukoy iran uksoyan parad panbiahe. (4) Nonoten iray panagpawil a planom a gawaen. (5) Iparaan moy ibagam. No sika so mangikondukta parad miting ed lawak na kimeyan, mangala na magenap a teritorya. Singbaten ed saray dumerengel so duara odino taloran paraan no panon ya iyopresi so Creation a libro diad ministeryo legan na Setyembre. Idemostra so sakey ed saray presentasyon, tan ilaktip so sakey a teksto ed tongtongan.—Nengnengen iray suhestion ed Ministeryo Tayo ed Panarian, Setyembre 1996, pahina 8, tan Hunyo 1995, pahina 4.
15 min: “Panangapresya ed Saray Probisyon nen Jehova”e Ipaseseg ed amin so regular iran pankontribusyon parad sankamundoan a kimey diad kongregasyon.
Kanta 99 tan pansaran pikakasi.
[Saray paimano ed leksab]
a Agsasabien so sakey minuto ya introduksion, tan tumbokan na tepet-tan-ebat a diskusyon.
b Agsasabien so sakey minuto ya introduksion, tan tumbokan na tepet-tan-ebat a diskusyon.
c Agsasabien so sakey minuto ya introduksion, tan tumbokan na tepet-tan-ebat a diskusyon.
d Agsasabien so sakey minuto ya introduksion, tan tumbokan na tepet-tan-ebat a diskusyon.
e Agsasabien so sakey minuto ya introduksion, tan tumbokan na tepet-tan-ebat a diskusyon.