Eskedyul ed Pantitipon ed Panagserbi

Simba na Disyembre 10

Kanta 205

10 min: Lokal iran pakabat. Pinili ed Saray Pakabat manlapud Ministeryo Tayo ed Panarian. Pasesegen so balang sakey a manbantay ed video a To the Ends of the Earth bilang preparasyon parad diskusyon diad Service Meeting ed simba na Disyembre 24.

12 min: Lokal iran pankaukolan.

23 min: “Walaan Itayo na Balon Uusaren ed Pangigapo na Saray Panangiyaral!” Singbaten ed saray dumerengel a betang na manangasikaso na serbisyo. Ilaktip so duaran demostrasyon, ya usaren iray suhestion ed kahon a “No Anto so Ibaga Nipaakar ed Saray Magasin.” Iparungtal na sakey a manangipalapag so Disyembre 15 a Panag-Bantayan, tan samay sakey so mangiparungtal ed Disyembre 22 ya Awake! Diad kada kipapasen, say manangipalapag so mangisampot diad pangipalima ed tract a Labay Moy Makaaral nin Maong Diad Biblia? ed unabung​—diad sakey ya agmangawat ed saray magasin tan ed sakey a mangawat ed saratan. Pasesegen so amin a mangibunog na balon tract ed amin a naabet da diad ministeryo bektaman ya akasabi laray suplay ed kongregasyon.

Kanta 222 tan pansaran pikakasi.

Simba na Disyembre 17

Kanta 211

10 min: Lokal iran pakabat. Report na kuenta. Idatak iray nikaduman uksoyan ed lawak na serbisyo parad Disyembre 25 tan Enero 1.

22 min: “Agamilen so Salita na Dios a Duga.”a Ilaktip so sakey a demostrasyon diad pangiparungtal ed parapo 4. Ontan met, idemostra so epektibon presentasyon ya uusaren la ed lokal pian pasesegen tan tambayoen so totoo a nagogonigon ed peles iran kipapasen na mundo. Nayarin isalaysay so antikey ya eksperiensya.

13 min: ‘You Have Your Own Bible.’ Singbaten ed saray dumerengel a nibase ed libron Reasoning, pahina 279-80 (p. 256-7 ed Tagalog). No masuyat iray totoo ya ondengel lapud uusaren tayo so New World Translation, antoy nayarin ibaga tayo? Iyareglo lan masakbay ed saray manangipalapag so pangisalaysay ed dilin salita ra iray nisuherin iyebat.

Kanta 225 tan pansaran pikakasi.

Simba na Disyembre 24

Kanta 218

10 min: Lokal iran pakabat. Usaren iray suhestion ed pahina 8, idemostra so duaran antikey a presentasyon ed magasin, say sakey so mangusar ed Enero 1 a Panag-Bantayan tan samay sakey so mangusar ed Enero 8 ya Awake!

10 min: “Say Teokratikon Eskuelaan Parad Ministeryo ed Taon 2002.” Paliwawa na manangasikaso na eskuelaan. Pasesegen so amin a magmaliw a maseet ed panggawa ed saray asainmin da.

25 min: “Panagpulong​—‘To the Ends of the Earth’.” Singbaten ed saray dumerengel. (Imanoen: Diad saray kongregasyon ya anggapo iyan video, say paliwawan “Young People Ask, ‘What’s So Bad About Gossip?’” so nayarin usaren, a nibase ed Pebrero 22, 1999 ya Awake!, pahina 17-19.) Diad Pebrero et repasoen tayo so Noah​—He Walked With God.

Kanta 24 tan pansaran pikakasi.

Simba na Disyembre 31

Kanta 140

10 min: Lokal iran pakabat.

15 min: Ikdan Iray Mamatatken na Konsiderasyon a Kanepegan Da. Singbaten na duara odino taloran ministeryal a lingkor so Hunyo 1, 1999, Panag-Bantayan, pahina 18-19. Komentoan da so nipaakar ed dakel iran obligasyon a nepeg ya asikasoen na saray mamatatken, pati say sekular a trabaho, saray responsabilidad ed pamilya, tan saray teokratikon asainmin. Saray mamatatken so walaan na ambelat a responsabilidad tan nakaukolan day tulong tan kooperasyon tayo. Konsideraen iray paraan a ditan et amin so makapaseseg ed sikara, mamalemew ed saray awit da, tan manumbok ed panangiwanwan da. Saray ministeryal a lingkor so onabobon a saray mamatatken so manggagawa na makanakanan serbisyo tan makanepegan na “nagkalalo nen say nikaduman konsiderasyon.”​—1 Tes. 5:12, 13, NW.

20 min: “Saray Bendisyon ed Pangipanengneng na Apresasyon ed Panangaro nen Jehova​—Parte 2.”b Sano sisingbaten iray parapo 2-6, imbitaan so kongregasyon a mangisalaysay na makapaseseg iran eksperiensya ra diad pangiiter na makaligliwa iran salita tan ilalo ed saraman so nagogonigon odino naaaburido lapud agano nin desyang tan say epekto to.

Kanta 219 tan pansaran pikakasi.

Simba na Enero 7

Kanta 20

10 min: Lokal iran pakabat.

20 min: Gawaen so Sankaabigan ed Bilay Mo. Pantongtongan na sankapamilyaan so Agosto 15, 1998, a Panag-Bantayan, pahina 8-9. Repasoen da so Makasulatan a bilin ed artikulo a mangipapanengneng no panon dan naseguro so liket da, ya iyapasakey ed pankaukolan na pakatebek, makana iran prayuridad, tan panagmatalek ed si Jehova. Ibinsabinsa da iray praktikal a pananguman a nagawaan da bilang sankapamilyaan.

15 min: Imanoen so Kingdom Hall Tayo. Paliwawa na sakey a matatken. Imanoen so kipapasen na Kingdom Hall. Antoran uksoyan so gagawaen ed panlinis sakbay na Memoryal? Antoray kaukolan ya apigeren sakbay na satan? Ipaliwawa no panon a makatulong so kongregasyon. Idanet so pankaukolan a paneguro a say pasen na panagdayewan tayo so mangisisindag na karakpan tan dignidad ya isisiglaot tayo ed abung nen Jehova.​—Sal. 84:1.

Kanta 126 tan pansaran pikakasi.

[Saray paimano ed leksab]