Say Sankabalgan a Toon Nambilay ed Kapiganman

Kapitulo 100

Say Ilustrasyon na Saray Mina

Nayarin si Jesus so wala ni ed abung nen Zaqueo, a no iner et sikato so sinmamar diad pamapaarap ed Jerusalem. Manisia iray babangatan to a sano makasabi ira’d Jerusalem, iyabawag to a sikatoy Mesias tan iletneg so Panarian to. Pian ipetek iyan ideya tan pian ipanengneng a say Panarian so arawi nin tuloy, si Jesus so angiter na ilustrasyon.

“Sakey a mabli’n too,” insalaysay to, “[so] linma ed sakey a dalin ya arawi, pian awaten to nipaakar ed sikato so sakey a panarian, tan ompawil.” Si Jesus so “mabli’n too,” tan say “dalin ya arawi” et say tawen. Sano makasabi si Jesus diman, say Ama to so mangipalima ed sikato na maarin pakayari.

Anggaman ontan, sakbay na itaynan to et say mabli’n too so anawag na samploran ariripen tan sansakey iran inikdan na pilak a mina, ya ibabaga: “Pananap yo anga ed isabik.” Say samploran ariripen ed ununan kasumpalan so mangirerepresenta ed akadkauna’ran babangatan nen Jesus. Diad apalaknab ya aplikasyon, ileletrato ra so amin a prospektibon mananawir a kaiba to ed mangatatawen a Panarian.

Saray pilak a mina so mablin piraso na kuarta, a kada sakey so mankantidad na ngalngali taloran bulan a sueldo na sakey a komikimey ed uma. Balet anto so irerepresenta na saray mina? Anton klase na anapan so kimeyan na ariripen diad saratan?

Irerepresenta na saray mina iray kayarian a nausar na saray tinagibi-ed-espiritu a babangatan ed pamawala na nagkalalon mananawir na mangatatawen a Panarian anggad isasabi nen Jesus bilang Ari ed insipan a Panarian. Kayari na inkioli tan inpayawar to ed saray babangatan to, inter to’d sikara so simboliko’ran mina parad panggawa na nagkalalon babangatan tan sirin et mangiyaarum ed mangatatawen-a-Panarian a klase.

“Balet,” intuloy nen Jesus, “saray kabaleyan to sikato [say mabli’n too] so ginula ra, et angibaki ra na ontombok ed sikato, a mangikuan, Ag mi labay a saya’n too manari ed sikami.” Saray kabaleyan et saray Israelita, odino saray Judio, ya agmangisasakop ed saray babangatan to. Kayari intaynan nen Jesus ya amaarap ed tawen, sarayan Judio diad pamapasegsegang ed saray babangatan to so angipaamta a sikatoy agda labay a magmaliw ya ari ra. Diad sayan paraan et sikaray onkikiwas a singa saramay kabaleyan ya angibaki ed saray ulop na saray embahador.

Panon so impangusar na samploran ariripen ed saray mina ra? Impaliwawa nen Jesus: “Et agawa, nen pinmawil lamet, nen inaku to so panarian, ya inganganto a saraya ya ariripen, ya angitdan to na pilak, natawag ira ed sikato, tan pian nakabatan to so nalmoan da. Et say inmuna pinmatnag ed sikato, a kuanto, Katawan, say minam akalmo na samplo ran mina. Et inkuan to ed sikato, Maong ya inka gawa, sika maong ya aripen. Lapu ed apanmatalkan ka ed dagdaiset, wala so pakaoley mo ed samplora a ciudad. Et say komadua dinmago, a kuan to, Katawan, say minam akalmo na limara a mina. Et inkuan to ed sikato met, Sika met manuley ka ed limara a ciudad.”

Ileletrato na aripen tan say samploran mina so sakey a klase, odino grupo, na saray babangatan nen Jesus manlapud Pentecostes 33 K.P. anggad natan a mangilalaktip ed saray apostol. Say aripen ya akatubo na limaran mina so mangirerepresenta met na sakey a grupo legan na parehon panat na panaon ya, unong ed saray pankanawnawa tan abilidad da, akapamaaligwas na saray kayarian na ari ra ed dalin. Say nantupag a grupo so maseseg ya angipulong na maong balita, tan bilang resulta, dakel a maptek-impanpuson sinansakey so nagmaliw a Kristiano. Siamera ed ariripen so matalonan akapantrabaho tan akapamaaligwas na kayarian da.

“Balet, NW” intuloy nen Jesus, “say sananey dinmago a kuanto, Katawan, nia, wadia so minam, ya inyatol ko ed sakey a paño. Ta tinmakot’ak ed sika, ta too kan masebeg. Alaen mo so ag mo inyan, tan aniem mo so ag mo intanem. Sikato kuanto ed sikato, Marelmeng ya aripen, dia ed sangim so pangokoman ko ed sika. Antam a too ak a masebeg, ya alaen ko so ag ko inyan, tan anien ko so ag ko intanem; Akin sirin ya ag mo inter so pila’ko ya inpaabangan, pian dia ed isabik singilen ko a pati say abang? Et inkuanto ed saray wala ya akaarap, Ekalen yo ed sikato so mina, et sikato so iter yo ed walaan na samplora.”

Parad marelmeng ya aripen, say pakaandi ed simbolikon mina so mankabaliksan na pakaandi pasen ed mangatatawen a Panarian. On, naandi to so pribilihyo na pananguley, a singa panangibaga, diad samploran syudad odino limaran syudad. Imanoen met, a say aripen so ag-inyabawag a marelmeng lapud antokaman ya inkauges ya agawaan to, noagta, imbes, lapud insaew a mankimey parad pamarakel na kayamanan na panarian na katawan to.

Sanen say mina na marelmeng ya aripen so initer ed ununan aripen, wala so sinmuppiat: “Katawan, sikato so walaan na samplora a mina.” Ingen, inyebat nen Jesus: “Angan siopa ya walaan sikato so naitdan; ingen say andian, angan say wala ed sikato naekal ed sikato. Ingen sarayan kabosol ko, ya ag da komon labay a manari ak ed sikara, yakadyo’ra dia, et pateyen yo’ra ed arap ko.” Lucas 19:11-27; Mateo 28:19, 20.

▪ Anto so anagdag ed si Jesus ya isalaysay so ilustrasyon to ed saray mina?

▪ Siopa so mabli’n too, tan anto so dalin a laen to?

▪ Sioparay aripen, tan anto so irerepresenta na saray mina?

▪ Sioparay kabaleyan, tan panon so pangipapanengneng da na gula ra?

▪ Akin a say sakey ya aripen so tinawag a marelmeng, tan anto so kabaliksan na pakaandi mina to?