Abril 12 Memoryal

“Ontan met, sikato so angala na sakey a tinapay, akisalamat, pinisagpisag to, tan inter to ed sikara, a kuanto: ‘Saya et kabaliksan to so laman ko a niiter a nisesengeg ed sikayo. Saya so itultuloy yon gawaen a pakanodnonotan ed siak.’ Ontan met, saya kopa ed parehon nengneng ed kayari na impangdem da, inkuanto: ‘Saya kopa et kabaliksan to so balon sipanan diad birtud na dalak, a nikalbo a nisesengeg ed sikayo.’”​—Lucas 22:19, 20.

Sikayo so iimbitaan na saray Tasi nen Jehova ya onatendi diad panumpal ed sayan sankaimportantian a selebrasyon na Memoryal. Sayan taon et say petsa ed kalendaryo tayo a mipetekan ed agew na impatey nen Jesus so Simba, Abril 12, kaselek na agew. Nayarian yo so onatendi ed satan a labi diad Kingdom Hall a sankaasinggeran ed abung yo. Mitongtong ed saray Tasi nen Jehova ed lokal diad eksakton oras.