Nwane A Ɛbahola Wɔalie Ye Wɔalie A?—Duzu A Baebolo Ne Ka A?

Menli asa anu ɛdo ɔluakɛ menli mɔɔ ɔwɔ kɛ bɛdi nɔhalɛ la ɛnyɛ zɔ. Menli dɔɔnwo ɛnlie menli ɛhye mɔ ɛnli . . .

• maanyɛlɛma mɔɔ le angomedi na bɛndwenle mɔɔ hyia menli ne anwo la.

• adwelie kɛlɛvoma mɔɔ bɛnga nɔhalɛ la.

• abɔdeɛ nwo nrɛlɛbɛvolɛma mɔɔ bɛmboa menli la.

• ɛzonlenlɛ nu mgbanyima mɔɔ fa bɛ nwo wula maanyɛlɛ nu na bɛnyɛ Nyamenle gyima ne la.

Ɔle kpalɛ kɛ menli nea boɛ wɔ awie mɔɔ bɛdie ye bɛdi la anwo. Baebolo ne bɔ kɔkɔ kɛ:

• “Mmafa ɛ nwo ɛto mgbanyima anzɛɛ sonla dasanli mɔɔ ɛngola ɛmmaa ngoane la anwo zo.”​—Edwɛne 146:3.

Awie mɔɔ ɛbahola wɔalie ye wɔali la

 Baebolo ne maa yɛnwu kɛ Gyisɛse Kelaese a le awie mɔɔ yɛbahola yɛalie ye yɛali a. Ɔnle sonla kpalɛ mɔɔ dɛnlanle aze wɔ tete ne la ala. Nyamenle ɛzie Gyisɛse “Belemgbunli . . . , na ye Belemgbunlililɛ ɛnrɛra awieleɛ.” (Luku 1:32, 33) Gyisɛse Kelaese a le Nyamenle Belemgbunlililɛ ne, anwuma arane mɔɔ ɛlɛdi tumi kɛkala wɔ anwuma la azo Belemgbunli a.​—Mateyu 6:10.

• Amaa wɔanwu deɛmɔti ɛbahola wɔalie Gyisɛse wɔali la, kenga edwɛkɛ “Nwane A Di Belemgbunlililɛ Ne Azo A?” yɛɛ “Nyamenle Belemgbunlililɛ Ne Bayɛ Duzu?”