Gyisɛse Lile Samɛleanli Raalɛ Bie Daselɛ

4:6-26, 39-41

Duzu a maanle Gyisɛse holale lile daselɛ wɔ mekɛ mɔɔ ɛnee ɔnle daselɛlilɛ nu la ɛ?

• 4:7​—Yeanlimoa yeanga Belemgbunlililɛ ne anwo edwɛkɛ anzɛɛ yeanla ɔ nwo ali kɛ ɔdaye a ɔle Mɛzaya ne a, emomu ɔzɛlɛle ye nzule ɔvale ɔbɔle adwelielilɛ ne abo

• 4:9​—Yeangyinla ɛleka mɔɔ Samɛleanli raalɛ ne vi la azo yeambua ne ndɛne

• 4:9, 12​—Gyisɛse ammaa raalɛ ne kpolerazulɛ edwɛkɛ mɔɔ ɔhanle la andwehwe ye adwenle emomu ɔdoale mɔɔ ɛnee ɔlɛka la azo.​—cf 77 ¶3

• 4:10​—Ɔvale debie mɔɔ raalɛ ne yɛ ye dahuu la ɔyɛle ndonwo ɔbukele ye edwɛkɛ ne anye

• 4:16-19​—Ɔwɔ nu kɛ ɛnee ɔbɔ ɛbɛlatane noko Gyisɛse lile ye eni

Kɛzi edwɛkɛ ɛhye maa yɛnwu kɛ nwolɛ hyia kɛ yɛbali daselɛ wɔ mekɛ mɔɔ yɛnle daselɛlilɛ nu la ɛ?