Kpuyia Ɛleka

◼ Asoo ɔwɔ kɛ asafo ne yɛ ye azɛlɛsinli ne amuala anwo azɛkɛlata kpole ko na ɔfa ɔbɔ Belemgbunlililɛ Asalo ɛkɛ ɔ?

Ɛhɛe, ɔwɔ kɛ bɛyɛ azɛlɛsinli ne amuala anwo azɛkɛlata kpole ko bɛto neanleɛ nu na bɛfa bɛbɔ bane nwo wɔ Belemgbunlililɛ Asalo ɛkɛ. Ɔnle kɛ bɛfa azɛkɛlata ne bɛbɔ nolobɔlɛ ɛleka ne. Ɔwɔ kɛ bɛkile asafo ne azɛlɛsinli ne amuala nee ko biala mɔɔ bɛva bɛmaa awie la ɛweɛne nee ye nɔma wɔ zo. Ɔwɔ kɛ bɛkile asafo mɔɔ bɛba debiezukoalɛ wɔ Belemgbunlililɛ Asalo ɛkɛ ne la amuala azɛlɛsinli ne wɔ zo. Ɛhye bamaa nolobɔlɛma nee anyelielɛma mɔɔ bɛle fofolɛ la anwu asafo mɔɔ bɛde ye azɛlɛsinli nu la. Saa bɛkile ɛleka mɔɔ daselɛlilɛ ekpunli ne mɔ yia la wɔ zo a, ɔbamaa bɛanwu ɛleka mɔɔ bɛ ekpunli ne yia la. Saa nzenzaleɛ biala ba a, ɔwɔ kɛ bɛyɛ ye wɔ zo.

Saa bɛfa azɛkɛlata ne bɛbɔ ɛkɛ a, ɔbamaa nolobɔlɛma ahakye kɛ bɛbahola bɛalie bɛ ti anwo azɛlɛsinli bɛayɛ nuhua gyima. Azɛkɛlata ne boa menli mɔɔ bɛkpondɛ kɛ bɛdie azɛlɛsinli mɔɔ bikye bɛ la. Ɔdwu mekɛ ne bie a, kɛmɔ ɔmaa daselɛlilɛ ayia zo neavolɛ ne kola kile ɛleka mɔɔ nolobɔlɛma bayɛ gyima la ndɛndɛ la ati, ɔmmaa bɛnzɛkye mekɛ.

Eza azɛkɛlata ne di daselɛ kɛ asafo ne ɛyɛ ngyehyɛleɛ mɔɔ ɔbava yeaha Belemgbunlililɛ edwɛkɛ ne wɔ ye azɛlɛsinli ne anu la.​—Luku 9:6.