Ɔwɔ Kɛ Ɛkpɔne Ɔ?

Saa nolobɔlɛma bie mɔ kɔ daselɛlilɛ a, bɛlɛ mekɛ bie mɔɔ bɛta bɛfa bɛkpɔne a, bie a bɛbɔ dɔne bulu nee nwiɔ a. Nɔhalɛ nu, bie mɔ tɛnlabelɛ maa bɛkpɔne daselɛlilɛ wɔ mekɛ fɔɔnwo bie anu. Noko, asoo ɛkpɔne daselɛlilɛ kɛmɔ menli mɔɔ ɛ nee bɛ kɛhɔ la kpɔne anzɛɛ kɛmɔ menli mɔɔ wɔ bɛ ɛkɛ ne kpɔne mekɛ bie anu la ati ɔ? Asoo ɛbahola wɔahyɛ ekyii na wɔayɛ bagua nu daselɛlilɛ, mɔɔ le kɛ gua zo daselɛlilɛ la bie? Ɛlɛkɔ sua nu a, asoo ɛbahola wɔayɛ sia kɔkpɔla ko anzɛɛ nwiɔ ɔ? Suzu kɛzi ɛkɔto anyelielɛnli ko wɔ sua nu bieko anzɛɛ ɛfa magazine ɛmaa awie mɔɔ ɛlɛpɛ nu la a debie kpalɛ vi nu bara la anwo nea! Saa yɛamkpɔne na yɛkyɛ ekyii a, ɔle adenle sikalɛ mɔɔ yɛdua zo ‘yɛbɔ ayɛlɛyelɛ afɔle’ dɔɔnwo a.—Hib. 13:15.