Teokelase Ɛzonlenlɛ Sukulu Ndinu

Bɛbazuzu kpuyia ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo February 25, 2013, la anu. Bɛhile kenle noko mɔɔ bɛbazuzu edwɛkɛ biala anwo la amaa bɛahola bɛayɛ nwolɛ neɛnleanu wɔ mekɛ mɔɔ bɛlɛsiezie bɛ nwo bɛamaa sukulu ne dapɛne biala la.

1. Duzu ati a Gyisɛse hanle kɛ “bɛdabɛ mɔɔ nyane ɛha bɛ la” anye balie ɛ? (Mat. 5:4) [Jan. 7, w09-E 2/15 m. 6 ɛden. 6]

2. Wɔ asɔneyɛlɛ neazo ne mɔɔ Gyisɛse hilehilele ye ɛdoavolɛma la anu, duzu a ɛnee ɔlɛkile wɔ mekɛ mɔɔ ɔhanle kɛ: “Mmamaa yɛkɔ ngyegyelɛ nu” la ɛ? (Mat. 6:13) [Jan. 7, w04-E 2/1 m. 16 ɛden. 13]

3. Duzu ati a Gyisɛse hanle kɛ ye ɛdoavolɛma ne ɛnrɛwie bɛ daselɛlilɛ gyima ne “na Sonla Ra ne ara” ɛ? (Mat. 10:23) [Jan. 14, w10-E 9/15 m. 10 ɛden. 12; w87-E 8/1 m. 8 ɛden. 6]

4. Ninyɛne nwiɔ boni a Gyisɛse ɛrɛlɛ ne mɔɔ fane ma ekyi ne anwo la si zolɛ a? (Mat. 13:31, 32) [Jan. 21, w08-E 7/15 m. 17-18 ɛden. 3-8]

5. Ɛzukoalɛdeɛ boni a ɛnee Gyisɛse ɛlɛkilehile wɔ mekɛ mɔɔ ɔhanle kɛ: “Kyesɛ bɛkakyi bɛ nyɛleɛ bɛyɛ kɛ ngakula la, anrɛɛ bɛnrɛnwu Anwuma Belemgbunlililɛ ne ɛlɛ” la ɛ? (Mat. 18:3) [Jan. 28, w07-E 2/1 m. 9-10 ɛden. 3-4]

6. Gyisɛse edwɛkɛ ne mɔɔ ɔhanle kɛ “yemɔ ala a wɔha la” abo kile duzu? (Mat. 26:63, 64) [Feb.  11, w11-E 6/1 m. 18]

7. Duzu ati a bɛfɛlɛ Gyisɛse kɛ ɔlɛ “tumi wɔ Ɛnwomenlelielɛ Kenle ne azo” ɛ? (Mak. 2:28) [Feb. 18, w08-E 2/15 m. 28 ɛden. 7]

8. Duzu ati a Gyisɛse buale ye mame nee ɔ mediema ne mɔ kɛmɔ ɔyɛle la ɛ, na duzu a ɛhye maa yɛnwu ye a? (Mak. 3:31-35) [Feb. 18, w08-E 2/15 m. 29 ɛden. 5]

9. Kɛmɔ bɛhile ye wɔ Maake 8:22-25 la, kɛmɔti a ɔbayɛ kɛ Gyisɛse yɛle anyezinliravolɛ ne ayile fane nwiɔ ɛ, na duzu a yɛsukoa yɛfi ɛhye anu a? [Feb. 25, w00-E 2/15 m. 17 ɛden. 7]

10. Duzu a yɛsukoa yɛfi kɛzi Gyisɛse buale Pita ahwibɛnyunlu ne mɔɔ wɔ Maake 8:32-34 la anu a? [Feb. 25, w08-E 2/15 m. 29 ɛden. 6]