Jehovah’s Witnesses—Faith in Action, Part 2: Let the Light Shine
Mekɛ mɔɔ bɛyele Adiema Rutherford nee ɔ gɔnwo mɔ bɛvile efiade wɔ 1919 la, ɛnee gyima kpole la Baebolo Sukoavoma ne anyunlu. Kɛmɔ bɛhile ye wɔ video ne mɔɔ se, Jehovah’s Witnesses—Faith in Action, Part 2: Let the Light Shine anu la, ɛnee Baebolo Sukoavoma ne bayia dwazotiama dɔɔnwo, bɛ ndelebɛbo mɔɔ wɔ Ngɛlɛlera ne anu la ayɛ kpole na bɛ diedi ne ali munli. (Mrɛ. 4:18; Mal. 3:1-3; Dwɔn 15:20) Ɛnea video ne ɛwie a, ɛbahola wɔaye kpuyia ɛhye mɔ anloa ɔ?
(1) Ndenle boni mɔ a Baebolo Sukoavoma ne luale zo bɔle edwɛkpa ne nolo a? (2) Duzu a bɛbɔle ye nolo wɔ nyianu titile mɔɔ bɛyɛle ye wɔ 1931 nee 1935 la abo a? (3) Edwɛkɛ mɔɔ hyia la boni a bɛzuzule nwolɛ wɔ November 1, 1939 Watchtower ne anu a? (4) Ka mɔɔ zile Madison Square Garden wɔ mekɛ mɔɔ Adiema Rutherford ɛlɛmaa ye ɛdendɛlɛ ne mɔɔ se, “Government and Peace” la anwo edwɛkɛ. (5) Duzu a ɛnee yɛ anyelielɛ wɔ Adiema Knorr ɛdendɛlɛ ne mɔɔ se, “Peace—Can It Last” la anwo a? (6) Wɔ ɛvolɛ 1942, ngyehyɛleɛ boni a Gyihova Alasevolɛ yɛle vale bukele bɛ edwɛkɛhanlɛ gyima ne anu a? (7) Kilehile edwɛkɛ bie mɔ mɔɔ bɛvale bɛhɔle kɔɔto wɔ United States, Canada nee Greece la anu. (8) Kɛzi Gilead boale manle edwɛkɛhanlɛ gyima ne nyianle anyuhɔlɛ ɛ? (9) Gyima mɔɔ hyia la boni a bɔle ɔ bo wɔ 1946 a, na duzu ati ɔ? (10) Duzu a Gyihova Alasevolɛ yɛle amaa bɛ nyɛleɛ nee Baebolo ne anu ngyinlazo ayɛ ko a? (11) Kilehile nzenzaleɛ bie mɔ mɔɔ bɛyɛle ye wɔ 1970 ne anu amaa ahyehyɛdeɛ ne nee neazo mɔɔ wɔ Baebolo ne anu ayɛ ko la anu. (12) Kɛzi video ɛhye mɔɔ wɔnlea la ɛmaa wɔde ɔ bo kpalɛ kɛ Gyihova ɛlɛnea debie biala azo na ahyehyɛdeɛ ne le ye ɛdeɛ ɛ? (13) Kɛzi video ɛhye ɛmaa wɔzi kpɔkɛ kpalɛ kɛ ɛkɔ zo wɔaha edwɛkɛ ne ɔnva nwo kɛ bɛdwazo bɛtia la ɛ? (14) Kɛzi yɛbahola yɛava video ɛhye yɛaboa yɛ nwo amra, Baebolo sukoavoma nee awie mɔ ɛ?
Alehyenlɛ biala mɔɔ bapɛ nu la maa Gyihova Alasevolɛ nyia tetedwɛkɛ fofolɛ. Duzu a kɛlɛtokɛ ne baha ye wɔ mɔdenle mɔɔ yɛbɔ wɔ daselɛlilɛ nu la anwo a? Kɛmɔ yɛ mediema ne mɔ yɛle ye wɔ dɛba ne la, ɔrɛla ye kɛ yɛbahɔ zo yɛabɔ mɔdenle yɛamaa ‘wienyi ne ada’!—2 Kɔl. 4:6.