Jehovah’s Witnesses—Organized to Share the Good News
Bɛva mɔɔ bo ɛvolɛ 100 la bɛhyehyɛ Gyihova Alasevolɛ kɛ bɛbɔ edwɛkpa ne nolo. Yɛfa aneɛ ɛya dɔɔnwo yɛka edwɛkɛ ɛhye wɔ maanle mɔɔ bo 230 la anu, na ɛhye a ɛyɛ nolobɔlɛ gyima kpole kpalɛ mɔɔ ɛlɛkɔ zo wɔ ewiade anu a. (Mat. 24:14) Duzu ati a gyima ɛhye hyia ɛ? Kɛzi bɛlɛyɛ ye wɔ ewiade amuala ɛ? Video ne mɔɔ se Jehovah’s Witnesses—Organized to Share the Good News la kilehile gyima mɔɔ yɛlɛyɛ ye ewiade amuala la anu fa bua kpuyia ɛhye mɔ. Ɛnea video ne ɛwie a, suzu kpuyia mɔɔ doɔdoa zo la anwo.
Kɛzi video ɛhye ɛmaa wɔnyia anyezɔlɛ kpole wɔmaa (1) mɔdenle mɔɔ Gyihova ahyehyɛdeɛ ne ɛlɛbɔ ava abɔ edwɛkpa ne nolo la ɛ? (2 Tem. 4:2) (2) Bɛtɛle mbusua mɔɔ wɔ ewiade amuala la ɛ? (3) ndetelɛ mɔɔ bɛfa bɛmaa edwɛkpatɛlɛvolɛma nee neavolɛma la ɛ? (2 Tem. 2:2) (4) kɛzi ɔhyia kɛ alehyenlɛ biala bɛsuzu Baebolo tɛkese ko anwo na dapɛne biala bɛsiezie bɛ nwo bɛmaa asafo debiezukoalɛ ɛ? (Gyi. 17:11) (5) nvasoɛ mɔɔ wɔ zo kɛ yɛkɛhɔ yɛ Keleseɛnema nyianu ne mɔ la ɛ? (Hib. 10:24, 25) (6) nyilalɛ mɔɔ saa azɛlɛ ye sia yɛ Paladaese a ɛbanyia la ɛ? (Aye. 11:9) (7) nwolɛ adenle mɔɔ ɛlɛ kɛ ɛbayɛ bɛyɔba gyima ne mɔɔ ɛlɛkɔ zo la bie ɛ?—Dwɔn 4:35.
Video ɛhye ɛyɛ debie kɛnlɛma mɔɔ yɛfa yɛboa anyelielɛma yɛmaa bɛnwu gyima mɔɔ Gyihova Alasevolɛ ɛlɛyɛ ye wɔ ewiade amuala la. (8) Mekɛ boni a ɔbayɛ kpalɛ kɛ yɛbamaa yɛ Baebolo sukoavoma, yɛ nwo amra, yɛɛ awie mɔ anlea video ɛhye a? (9) Debie kpalɛ boni a menli mɔɔ wɔmaa bɛnlea video ɛhye la ɛyɛ ye wɔ nwo a?
Saa yɛsuzu mɔɔ Gyihova ɛlɛyɛ la anwo a, ɔka yɛ ɔmaa yɛ nee edwɛndolɛnli ne yɛ adwenle kɛ: “O [Gyihova] me Nyamenle, wɔmaa wɔ adwenle, nee wɔ nwanwane nyɛleɛ wɔ yɛ nwo ɛyɛ mɔnwo; awie biala nee wɔ ɛnzɛ!” (Edw. 40:5) Ɔrɛla ye kɛ yɛbava video ɛhye yɛali gyima kpalɛ yɛava yɛaboa awie mɔ yɛamaa banyia Gyihova nee ye ahyehyɛdeɛ ne anwo anyezɔlɛ!