Dapɛne Ngyehyɛleɛ Maa June 4
DAPƐNE MƆƆ BƆ Ɔ BO JUNE 4
Edwɛne 45 Nee Asɔneyɛlɛ
□ Asafo Baebolo Ɛzukoalɛ:
lv tile 10 ¶16-24 (Mit. 25)
□ Teokelase Ɛzonlenlɛ Sukulu:
Baebolo ɛgengalɛ: Gyɛlɛmaya 51-52 (Mit. 10)
No. 1: Gyɛlɛmaya 52:17-27 (Mit. 4 anzɛɛ ɔndwu)
No. 2: Asoo Ɔle Kpalɛ Kɛ Yɛkɛlua Mɛle Anwo Zo Yɛkɛyɛ Asɔne?—rs-E m. 258 ¶4–m. 259 ¶1 (Mit. 5)
No. 3: Kɛ Ɔkɛyɛ Na Menli Awolo Gyihova “Ɛvealeka” Ne Ɛ?—Edw. 91:1, 2, 9 (Mit. 5)
□ Ɛzonlenlɛ Nyianu:
Mit. 5 Nolobɔlɛ.
Mit. 10: Kɛzi Yɛbamaa Yeaha Menli Ahonle La—Foa 2. Adawubɔlɛ mɔɔ gyi Ministry School buluku ne, mukelɛ 261, ɛdendɛkpunli 2, kɔdwu mukelɛ 262 awieleɛ la.
Mit. 10: Asafo nu ngyianlɛ.
Mit. 10: Nzuzulɛ Mɔɔ Yɛbava Yɛamaa Magazine Ne Wɔ June. Adawubɔlɛ. Fa mitini ko mɔɔ kɔ nwiɔ la ka nuhua edwɛkɛ ekyi mɔɔ menli anye balie nwolɛ wɔ bɛ azɛlɛsinli ne anu la anwo edwɛkɛ. Akee maa tievolɛma ɛhile kpuyia mɔɔ yɛ anyelielɛ mɔɔ bɛbabiza wɔ Ɛzinzalɛ Arane ne edwɛkɛ mɔɔ lumua la anwo, na maa bɛhile ngɛlɛlera mɔɔ bɛbagenga la. Maa bɛyɛ zɔhane ala wɔ Awake! ne edwɛkɛ mɔɔ lumua la anwo, saa mekɛ wɔ nu a maa bɛyɛ zɔ wɔ magazine ko biala anu edwɛkɛ ne ko anwo. Maa bɛyɛ kɛzi bɛbava nuhua ko biala bɛamaa la anwo yɛkile.
Edwɛne 29 Nee Asɔneyɛlɛ