Adenle Ko Mɔɔ Bɛdua Zo Bɛfa Bible’s Message Brohyua Ne Bɛdi Gyima La

Menli dɔɔnwo mɔɔ wɔ yɛ azɛlɛsinli ne anu, titile menli mɔɔ bɛnle Keleseɛnema la, ɛnze Baebolo ne anu ninyɛne dɔɔnwo. Saa nolobɔlɛma bie mɔ nee menli ɛhye mɔ ɛlɛsukoa Baebolo ne Kilehile buluku ne a, bɛfa Bible’s Message brohyua ne noko bɛboa sukoavo ne bɛmaa ɔnyia edwɛkɛ mɔɔ wɔ Baebolo ne anu la anwo adwenle. Kɛ neazo la, adiema nrenya ko ka Bible’s Message brohyua ne foa 1 ne anwo edwɛkɛ wɔ mekɛ mɔɔ ɔ nee awie ɛlɛsukoa Baebolo ne Kilehile buluku ne tile 3 la. Yemɔ anzi, ɔsuzu fofolɛ nwo wɔ mekɛ biala mɔɔ bɛkɛyɛ debiezukoalɛ la. Ɛ nee awie mɔɔ ze Baebolo ne anu debie ekyi anzɛɛ ɔnze ɛhwee la ɛlɛsukoa debie ɔ? Amaa wɔaboa ye na yeazukoa ‘Nyamenle Edwɛkɛ ne mɔɔ bamaa ye ngoanelielɛ la,’ fa Bible’s Message brohyua ne boka edwɛkɛ mɔɔ wɔ Baebolo ne kilehile buluku ne anu la anwo boa ye.—2 Tem. 3:15.