BAEBOLO KPUYA MƆƆ BƐBUA
Kɛzi alesama kenle bie bayɛ ɛ?
Kɛzi Gyisɛse ewule ne kola maa menli kɔsɔɔti dwenle bɛ nwo ngoko ɛ?
Ɔda ali wienyi kɛ alesama bahɔ zo anyia anyuhɔlɛ wɔ abɔdeɛ nwo nrɛlɛbɛ nu. Noko asoo alesama mumua ne bahola anyia ewiade mɔɔ menli kɔsɔɔti dwenle bɛ nwo ngoko ɔ? Kyɛkyɛ. Ɛnɛ, angomedi nee anyebolo ɛyi ewiade ne anu tɔ. Noko akee, Nyamenle lɛ debie kpalɛ maa alesama abusua ne.—Kenga 2 Pita 3:13.
Nyamenle Edwɛkɛ ne ka kɛ kenle bie menli kɔsɔɔti bahulo bɛ nwo ngoko wɔ ewiade amuala. Menli bɛanyia banebɔlɛ kpalɛ, na awie biala ɛnrɛgyegye bɛ.—Kenga Maeka 4:3, 4.
Kɛ ɔkɛyɛ na bɛaye angomedi bɛavi ɛkɛ ɛ?
Nyamenle anva angomedi subane ambɔ sonla. Noko ɔluakɛ sonla mɔɔ limoa la yɛle Nyamenle anwo anzosesebɛ la ati, yeanli munli bieko. Yɛnyianle subane mɔɔ maa yɛyɛ angomedi la yɛvile ye ɛkɛ. Noko akee, Nyamenle balua Gyisɛse anwo zo yeamaa alesama ali munli bieko.—Kenga Wulomuma 7:21, 24, 25.
Kɛmɔ ɔ nee Nyamenle ɛhulolɛdeɛ yia la, Gyisɛse wule vale ɔ nwo bɔle afɔle na ɔpɛle mɔɔ ɛvi sonla mɔɔ lumua la anzosesebɛ ne anu ɛra la anu. (Wulomuma 5:19) Yemɔti Gyisɛse bamaa yɛanyia kenle bie mɔɔ yɛ anyelielɛ mɔɔ menli ɛnlɛ angomedi subane mɔɔ maa bɛyɛ ɛtane la.—Kenga Edwɛndolɛ 37:9-11.